ۇلى جىبەك جولى جاھاندىق سىيلىعى تاعايىندالماق

بۇل تۋرالى ەۋرازيالىق ەكونوميكالىق كلۋبتىڭ پرەزيدەنتى، «G- Global. XXI عاسىرداعى الەم» حالىقارالىق كونگرەسىنىڭ حالىقارالىق حاتشىلىعىنىڭ ءبىرىنشى ورىنباسارى مۇرات قارىمساقوۆ ءمالىم ەتتى، دەپ حابارلايدى قازاقپارات ءتىلشىسى.

«بۇل باستاما 2019-جىلى 40 مەملەكەتتىڭ كوشباسشىلارى قاتىسقان حالىقارالىق فورۋمدا قولداۋ تاپتى. سول سەبەپتى كەشەگى قالالار مەرلەرىنىڭ فورۋمىندا ۇلى جىبەك جولى جاھاندىق سىيلىعىن بەكىتۋ جونىندەگى ۇيىمداستىرۋ كوميتەتىن قۇرۋ باستاماسىن كوتەردىك. قالا مەرلەرىنىڭ كەلەسى حالىقارالىق فورۋمىنا دەيىن جاھاندىق سىيلىقتى تابىستاۋ شاراسىن ۇيىمداستىرۋ جولىندا بەلسەندى جۇمىس جۇرگىزۋگە شاقىرامىز. ول فورۋم 2021-جىلى بەيجىڭدە وتەدى»، - دەدى مۇرات قارىمساقوۆ.

ەسكە سالساق، ەلباسى نۇرسۇلتان نازاربايەۆتىڭ باستاماسىمەن قۇرىلعان G- Global اقپاراتتىق- كوممۋنيكاتسيالىق پلاتفورماسى الەم حالىقتارىنىڭ ءبىرىڭعاي جانە تەڭ دارەجەلى ديالوگى ارقىلى الەمدىك بىرلەستىكتەردىڭ جۇمىسىنىڭ ءتيىمدى بولۋىنا جايلى جاعداي جاسايدى، ءارتۇرلى زەرتتەۋ جۇرگىزەدى.

فورۋم جۇمىسىنا عالىمدار مەن پراكتيكتەردىڭ، مەملەكەتتىك، قوعامدىق، حالىقارالىق، اقپاراتتىق سالانىڭ وكىلدەرى تارتىلعان.