ايدا بالايەۆا الەمدىك شىعارمالاردى قازاق تىلىنە اۋدارۋ باستاماسى جايىندا ايتتى

«ەرەكشە توقتالاتىن دۇنيە ول - ەلباسىنىڭ كۇنى كەشە اسسامبلەيا وتىرىسىندا ەرەكشە كوتەرگەن ۇلتتىڭ ءتىلى. «ءتىل تاعدىرى - ەل تاعدىرى». ەندەشە، ۇلتتىڭ دۇنيەتانىمىن ونىڭ وزىنە ءتان ەرەكشەلىگىمەن دۇرىس ناسيحاتتاۋ - ەڭ الدىمەن سول ۇلتتىڭ ءتول تىلىندە جۇرگىزىلۋى قاجەت. سونىڭ ىشىندە ەرتەڭگى قوعامنىڭ قوزعاۋشى كۇشى - بۇگىنگى جاس ۇرپاقتى مەملەكەتتىك تىلگە ۇيرەتۋ - باستى ماقسات سانايمىز. تەرەڭ تۇسىنىكپەن قاراساق بۇل - بۇگىنگى جاھاندانۋ داۋىرىندە ۇلتتىق بولمىستى ساقتايتىن بىردەن- ءبىر باستى تالاپ»، - دەپ توقتالدى مينيستر سەناتتا «ۇلتتىق قۇندىلىقتار - رۋحاني جاڭعىرۋدىڭ نەگىزى» تاقىرىبىنداعى دوڭگەلەك ۇستەل وتىرىسىندا.

سونىمەن قاتار ا. بالايەۆا بالالارعا ءتىل ۇيرەتۋ شارالارىنا توقتالدى. «بالالاردىڭ ءتىلىن قالىپتاستىراتىن قۇرال - ارينە ءبىرىنشى كەزەكتە - تەلەارنالارداعى مۋلتيپليكاتسيالىق فيلمدەر مەن بالالار ادەبيەتى. بۇل تۇرعىدا، اقپارات جانە قوعامدىق دامۋ مينيسترلىگى «Nickelodeon» ، Disney, TiJi تەلەارنالارىنىڭ ونىمدەرى مەن بالالار ادەبيەتىنىڭ الەمدىك شىعارمالارىن قازاق تىلىنە اۋدارۋ باستاماسىن كوتەرىپ وتىر. ەگەر ۇكىمەت تاراپىنان ءتيىستى قارجىلىق قولداۋ تاپقان جاعدايدا، بۇل - بولاشاق ءۇشىن قايتارىمى مول، ناتيجەسى زور جوبا بولادى دەپ سەنەمىز»، - دەدى ۆەدومستۆو باسشىسى.

اۆتور: رۋسلان عابباسوۆ