لۋكاشەنكو بەلارۋستە ازامات سوعىسى باستالۋى مۇمكىن دەپ قاۋىپتەنە باستادى

لۋكاشەنكونىڭ ايتۋىنشا، مينسكىدە نارازىلىق بىلدىرۋشىلەر جينالاتىن اۋلالار رەسپۋبليكادا ازامات سوعىسىنىڭ باستالۋ ورنى بولۋى مۇمكىن.

«مينسكىدە زيرات سەكىلدى مەموريالدار قۇرۋدىڭ قاجەتى قانشا؟ بىرىنشىدەن: زيراتتار مەن مەموريالدار تۇرعىندارعا پسيحولوگيالىق تۇرعىدان اسەر ەتەدى. راديكاليزاتسيا پروتسەسى باستالدى، مۇنى ءبارى اتاپ ءوتتى جانە بۇل اۋلالار توبەلەسۋ ورنىنا اينالۋى مۇمكىن - اينالدى دا. بىرەۋلەر فاشيستەردىڭ لەنتاسىن تاعىپ كەتەدى، بىرەۋلەر مۇنى جاقتىرماي الىپ تاستايدى، توبەلەس باستالادى. نەگىزگى ماقسات - بۇل قارسىلاسۋ پۋنكتەرىندە راديكاليزاتسيا جالعاسا بەرسە، شەتەلدەن جانە وزىمىزدەن دە ادامدار قوسىلىپ، قولىنا قارۋ الىپ، ونى ازامات سوعىسىنىڭ باستالۋىنا اينالدىرعىسى كەلەدى»، - دەدى ول.

باسىلىم وتكەن اپتادا مينسك اۋرۋحانالارىنىڭ بىرىندە 31 جاستاعى رومان بوندارەنكو قايتىس بولعانىن اتاپ ءوتتى. ول بەلگىسىز ادامدارمەن توبەلەسىپ، جاراقات سالدارىنان كوز جۇمعان.