تۇركىستاندا ليمون وسىرەم دەگەندەر ارنايى كۋرستان وتەدى

تۇركىستاندىق كاسىپكەر نۇرسۇلتان جۇسىپبايەۆ بىرنەشە جىلدان بەرى ليمون وسىرۋمەن اينالىسادى. 1 گەكتاردى قامتيتىن ليمون باعىنا 2200 ءتۇپ ليمون كوشەتى وتىرعىزىلعان. كاسىپكەر بىلتىر جىلىجايدا 4 توننا ءونىم وندىرگەن. جوسپار بويىنشا بيىلعى مەجە 12 تونناعا جەتۋى ىقتيمال. ليمون باعىندا 30 شاقتى باعبان جۇمىس ىستەيدى.

«ليمون اعاشىنىڭ كۇتىمىنە ايرىقشا كوڭىل ءبولىنىپ وسىرىلگەن جاعدايدا ءبىر ءتۇبى 150-200 كەلىگە دەيىن ءونىم بەرەدى. 1 كەلى ليموننىڭ كوتەرمە باعاسى 1000 تەڭگەگە دەيىن باعالانادى. بۇل 3-4 -جىلدىڭ شىعىنىن وتەۋگە جانە تابىسقا كەنەلۋگە جەتكىلىكتى. سۇرانىسقا يە ءونىم نەگىزىنەن ىشكى نارىقتا ساۋدالانۋدا»، - دەيدى «ياسسى» كونسورتسيۋمىنىڭ باسشىسى نۇرسۇلتان ۇمبەت ۇلى.

تۇركىستان وبلىستىق كاسىپكەرلەر پالاتاسىنىڭ ديرەكتورى تيمۋر ناقىپبەكوۆتىڭ سوزىنشە، اتالعان بيزنەستىڭ قاراجات قايتارىمدىلىعى مەن تيىمدىلىگى جوعارى. بۇگىندە كوپ ۋاقىت پەن شىدامدىلىقتى قاجەت ەتەتىن كاسىپ تۇرىنە قىزۋعۋشىلىق ارتقانىمەن، كۇتىپ- باپتاۋ ىسىندە بىلىكتى ماماندار تاپشى. وڭىردە ليمون ءوسىرۋ كاسىبىمەن اينالىساتىن كاسىپكەرلەر مەن قاجەتتى جۇمىسشىلاردى تاجىريبەدەن وتكىزۋ باعىتىندا ءتيىستى شارالار قولعا الىنباق. ياعني، بىلىكتى ماماندار دايارلاۋ ءۇشىن «اتامەكەن» كاسىپكەرلەر پالاتاسىنىڭ وبلىستىق فيليالى مەن «ياسسى» كونسورتسيۋمى ارنايى وقىتۋ كۋرستارىن ۇيىمداستىرادى.