تارازدا ەكى اۆتوكولىك تۇگى قالماي جانىپ كەتتى

اۆتوكولىكتىڭ جانۋىنىڭ نەگىزگى سەبەپتەرى - ەلەكتر سىمدارىنىڭ قىسقا تۇيىقتالۋى، وتىن بەرۋ جۇيەسىنىڭ اقاۋلارى.

دەگەنمەن سوڭعى ۋاقىتتا اۆتوكولىكتە نەمەسە وعان جاقىن جەردە تەمەكى شەگۋ جانە اۆتوكولىك موتورىن جىلىتۋ كەزىندە اشىق وتتى پايدالانۋ سەكىلدى ارەكەتتەر دە ورتكە سەبەپ بولىپ وتىر.

اتاپ ايتساق، سونداي سەبەپپەن تاراز قالاسى، سۋحانبايەۆ كوشەسىندە جەڭىل اۆتوكولىك ورتەنگەن. وقيعا ورنىندا ءورت ءسوندىرۋ قىزمەتىنىڭ جەكە قۇرامىنان 2 اۆتوكولىك جانە 8 ءورت ءسوندىرۋشى جۇمىس اتقارىپ، ءورتتى 4 مينۋت ىشىندە وشىرگەن.

سونداي- اق، تاراز قالاسى زاپادنايا كوشەسىندە جەڭىل اۆتوكولىك ورتەندى. ءورت سوندىرۋشىلەر وقيعا ورنىنا جەتكەن سوڭ اۆتوكولىكتەگى ءورتتى 6 مينۋتتا اۋىزدىقتاعان. شاقىرتۋ ورنىندا جامبىل وبلىسى ءورت ءسوندىرۋ قىزمەتىنىڭ 2 اۆتوكولىگى مەن 9 ءورت ءسوندىرۋشى جۇمىس اتقارعان. جوعارىدا اتالعان ءورت وقيعالارىنان زارداپ شەككەندەر جوق. «ءورت سالدارىنان ەكى جەڭىل اۆتوكولىك تە جويىلدى. قازىرگى ۋاقىتتا ازاماتتىق قورعاۋ قىزمەتكەرلەرى ءورتتىڭ شىعۋ سەبەبىن انىقتاپ جاتىر» دەلىنگەن ۆەدومستۆو حابارلاماسىندا.

ماماندار جۇرگىزۋشىلەردى اسا ساق بولۋعا شاقىرادى.