قاشىقتان وقىتۋعا بايلانىستى مۇعالىمدەردىڭ جالاقىسى قىسقاراتىنى راس پا
«الەۋمەتتىك جەلىلەردە قاشىقتان وقىتۋعا بايلانىستى مۇعالىمدەردىڭ جالاقىسى قىسقاراتىنى تۋرالى شاعىمدار جازىلدى. مينيستر جالاقى قىسقارمايتىنى تۋرالى ايتقان بولاتىن. وسىنداي جاعدايدا مۇعالىمدەر نە ىستەۋى كەرەك جانە بۇل قانشالىقتى زاڭدى؟» - دەگەن سۇراق قويدى ءتىلشى ەكىنشى توقساننىڭ باستالۋىنا ارنالعان بريفينگتە.
«ق ر ءبىلىم جانە عىلىم ءمينيسترى اسحات قانات ۇلى ايتقانداي، جالاقى قىسقارمايدى. ناقتى جاعداي بويىنشا قاراستىرۋ كەرەك. ەگەر ناقتى قاي مۇعالىمنىڭ جالاقىسى قىسقارعانى تۋرالى اقپارات بولسا - ءبىز ونى ەگجەي-تەگجەيلى قاراپ، ءسىز ايتقان ماسەلەگە قاتىستى ءتيىستى قورىتىندى شىعارامىز»، - دەدى رۇستەم بيعاري.
