قوستاناي وبلىسىندا ءبىر اپتاعا كارانتين جاريالاندى

وبلىستىق جەدەل شتابتىڭ شەشىمىمەن جابىق سپورت وبەكتىلەرىنىڭ (سپورت كەشەنى، سپورت زالى، فيتنەس ورتالىق، سپورت- ساۋىقتىرۋ ورتالىعى جانە باسقالارى) جۇمىسىنا تىيىم سالىندى. سونىمەن قاتار قوعامدىق تاماقتانۋ ورىندارىنا شەكتەۋ ەنگىزىلدى، اتاپ ايتقاندا، 1 ۇستەلگە 4 ادامنان ارتىق وتىرمايدى، ۇستەلدەر اراسىنداعى قاشىقتىق 2 مەتردەن كەم بولماۋى ءتيىس، ال تاعامدى جەتكىزۋ قىزمەتىنە ساعات 22:00 گە دەيىن رۇقسات ەتىلدى. بۇدان بولەك وبلىستىڭ باس سانيتاريا دارىگەرىنىڭ شەشىمىمەن مىناداي شەكتەۋ شارالارى بەكىتىلدى:

1) قالا سىرتىنداعى، جول بويىنداعى قوعامدىق تاماقتانۋ وبەكتىلەرىنىڭ جۇمىسىنا تەك جەتكىزۋ قاعيداتىمەن رۇقسات بەرۋ،

2) باسسەيندەردىڭ، ونىڭ ىشىندە مونشا مەن ساۋنانىڭ قىزمەتىنە تىيىم سالۋ،

3) مونشا، ساۋنانىڭ جۇمىسىن 9.00 دەن 19.00 گە دەيىن شەكتەۋ ،

4) ساناتوري مەن دەمالىس بازالارىنىڭ جۇمىسىن توقتاتا تۇرۋ،

5) دەمالىس جانە مەرەكە كۇندەرى اۆتوموبيلدەر مەن اۋىل شارۋاشىلىعى تەحنيكالارىنا ارنالعان قوسالقى بولشەك ساتاتىن دۇكەندەردىڭ جۇمىسىنا تىيىم سالۋ،

6) مەديتسينالىق- الەۋمەتتىك سالا وبەكتىلەرىنىڭ جۇمىسىن كارانتين رەجيمىنە كوشىرۋ (قارتتار مەن مۇمكىندىگى شەكتەۋلى ادامدارعا ارنالعان وبەكتىلەر، بالالار ۇيلەرى، بالالار ۇيلەرى، الەۋمەتتىك وڭالتۋ ورتالىقتارى، مۇگەدەك بالالارعا ارنالعان وقۋ ورىندارى جانە باسقالار) ،

7) بالالار سەكتسياسى، ۇيىرمەلەردىڭ، فاكۋلتاتيۆتەردىڭ جۇمىسىنا تىيىم سالۋ.

9) پروفيلاكتيكالىق ەگۋدى قوسپاعاندا، مەديتسينا- سانيتاريا العاشقى كومەك كورسەتۋ ۇيىمدارىندا جوسپارلى سكرينينگ پەن پروفيلاكتيكالىق تەكسەرۋ جاساۋدى توقتاتا تۇرۋ.