ءومىرزاق شوكەيەۆ تۇركىستان فۋتبول ستاديونى نەلىكتەن قىمباتقا سالىنعانىن ءتۇسىندىردى

«سامۇرىق- قازىنا» قورى بىرنەشە نىسان سالىپ، سىيعا ارتتى. سونىڭ ءبىرى - 7 مىڭ ورىنعا ارنالعان ستاديون. ودان كەيىن كونگرەسس- حولل، وقۋشىلار سارايىن، احمەت ياساۋي مۇراجايىن، امفيتەاتردى سىيعا تارتتى. ساپالارى وتە جوعارى، قازىرگى زاماننىڭ بارلىق تالاپتارىنا ساي نىساندار»، - دەدى ءومىرزاق شوكەيەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

وسى رەتتە وبلىس باسشىسى ب ا ق وكىلدەرىنىڭ تۇركىستانداعى فۋتبول ستاديونىنا 31 ميلليون دوللار جۇمسالعانىنا جانە مۇنداي قاراجاتقا ەۋروپادا 20-25 مىڭ ادامدىق ستاديون سالىناتىندىعىنا قاتىستى ساۋالىنا جاۋاپ بەردى.

«ەۋروپاداعى جانە بىزدەگى ستاديونداردى سالىستىرۋعا كەلمەيدى. ەۋروپانىڭ فۋتبول ستاديوندارىندا تەك الاڭ مەن تريبۋنا عانا بولادى. بىزدەگى كوپ بەيىندى ستاديون سانالادى. الاڭى، جەڭىل اتلەتيكامەن اينالىساتىن جولى، تريبۋنا استىندا گيمناستيكا، اۋىر اتلەتيكا، يوگا سىندى سپورتپەن اينالىسۋعا ارنالعان زالدارى بار. ماماندار ازىرشە بۇل ستاديونعا 7 مىڭ ورىن جەتەدى دەپ وتىر. ورىن جەتپەسە قاقپا ارتىنا جانە جالعاستىرىپ تاعى ورىندىق قويۋعا بولادى»، - دەدى ءومىرزاق شوكەيەۆ.

اۆتور: مارلان جيەمباي