قاراشا باستالعالى كوكتايعاققا بايلانىستى جول جەتى رەت جابىلعان - ءى ءى م

«قىستا كولىك جۇرگىزۋدىڭ ءوز ەرەكشەلىگى بار. بىرىنشىدەن، اۋا رايىنىڭ وزگەرۋىنە بايلانىستى اباي بولعان ابزال. قازاقستاننىڭ كليماتى شۇعىل وزگەرەتىندىكتەن، جۇرگىزۋشىلەر جول ۇستىندە دايىن بولۋى كەرەك. مىسالى، ەلدىڭ ورتالىق، سولتۇستىك جانە باتىس ايماقتارىندا بوران سوعىپ، اياز ۇيىتقىپ، جول كوكتايعاق بولىپ تۇرادى. وسىنىڭ سالدارىنان قوزعالىستى شەكتەپ، جولدى تازارتۋعا ءبىراز ۋاقىت جۇمسالادى. ال وڭتۇستىك جانە شىعىس جاق تاۋلى كەلەتىندىكتەن، جولدى قار باسىپ، تۇمان ءجيى تۇسەدى»، - دەدى ءى ءى م باسپا ءسوز ءماسليحاتىندا سەرىك ءتۇسىپوۆ.

وسىعان بايلانىستى جۇرگىزۋشىلەر ايماقتاردىڭ اۋا رايى بويىنشا ايىرماشىلىقتارىن ەسكەرە وتىرىپ، سينوپتيكتەردىڭ حابارلامالارىن قاداعالاپ وتىرۋى ءتيىس. جولعا شىعۋدى جوسپارلاعاندا ساق بولعان ابزال.

«الىس جولدا كەلە جاتىپ اۋا رايى بۇزىلىپ كەتسە جاقىن جەردەگى ەلدىمەكەنگە جەتىپ الىپ، كۇن رايىنىڭ سايابىرلاعانىن كۇتىڭىز. ال ەگەر اۆتوكولىكتە قالعانىم ءجون دەپ شەشسەڭىز، مىندەتتى تۇردە قۇتقارۋ قىزمەتىنە حابار بەرۋ كەرەك. قاراشا ايى باستالعالى ايماقتاردا كوكتايعاققا بايلانىستى جول جەتى رەت جابىلدى. ال 2019 -جىلى اۆتوكولىك قوزعالىسى 985 رەت شەكتەلگەن بولاتىن»، - دەيدى ول.