ەپيدەميولوگتار الماتىلىقتارعا ۇندەۋ جاسادى

سوندىقتان سانەپيدەميولوگتار الماتىلىقتاردان ادامدار كوپ جينالاتىن ورىندارعا قاجەتسىز بارۋدان باس تارۋعا كەڭەس بەردى، دەپ حابارلايدى قازاقپارات ءتىلشىسى.

قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ مالىمەتتەرى بويىنشا، بۇگىنگە دەيىن قالادا كوروناۆيرۋستىق ينفەكسيانىڭ وتكەن جىلدىڭ وسى كەزەڭىمەن سالىستىرعاندا جەدەل رەسپيراتورلىق ۆيرۋستىق ينفەكسيالار سانىنىڭ 2,2 ەسەگە ءوسۋى بايقالادى. اۋا رايىنىڭ سالقىنداۋىمەن بايلانىستى قوعامدا ەپيدەميولوگيالىق پروتسەستەر كۇشەيە ءتۇستى.

بۇل كەزدە ك ۆ ي ينفەكسياسى ادامدار كوپ شوعىرلانعان جەرلەردە پايدا بولادى. وسىعان بايلانىستى الماتى قالاسىنىڭ سانيتارلىق- ەپيدەميولوگيالىق قىزمەتى قالا تۇرعىندارىنا پروفيلاكتيكالىق شارالاردى ساقتاۋدى قاتاڭ تۇردە ۇسىنادى. ادامدار كوپ بولاتىن جەرلەردەن، اسىرەسە 65 جاستان اسقان ازاماتتار اۋلاق بولعانى ءجون.

«ەگەر سىزدە جرۆي بەلگىلەرى بولسا، ۇيدەن شىقپاڭىز، دارىگەردى ۇيگە شاقىرىڭىز. ءوزىڭىزدى ءوزىڭىز ەمدەمەڭىز، بالالاردى جانە ەگدە جاستاعى وتباسى مۇشەلەرىن جەكە بولمەدە وقشاۋلاۋ ارقىلى قورعاڭىز»، - دەدى اكىمدىكتەن.

الماتىداعى «قازگيدرومەت» ر م ك فيليالىنىڭ مەتەورولوگيالىق بولجامدار ءبولىمىنىڭ حابارلاۋىنشا، 14-20-قاراشا ارالىعىندا اۋا تەمپەراتۋراسى تۇندە - 10-15°С ، كۇندىز - 3-8 °С دەيىن تومەندەيدى.

اۆتور: گۇلميرا عوسمانالي