قىزىلوردادا ۇيالى تەلەفون مەن اشەكەي بۇيىمدار ۇرلاعان ەكى كىشكەنتاي بالا ۇستالدى
وقيعا قالاداعى ەكى ساۋدا ورتالىعىندا بولدى. كاسىپكەرلەردەن پوليتسەيلەرگە كۇندىز بەلگىسىز بىرەۋلەردىڭ ۇيالى تەلەفونى مەن اشەكەي بۇيىمداردى ۇرلاپ كەتكەنى تۋرالى ارىز كەلىپ تۇسكەن.
«بۇل ماقساتتا جەدەل- ىزدەستىرۋ ءىس- شارالارى جۇرگىزىلدى. ناتيجەسىندە بۇل قىلمىستارعا 7 جانە 10 جاستاعى ەكى بالانىڭ قاتىسى بار ەكەنى انىقتالدى. ولاردىڭ اتا-اناسىنا قاتىستى ءتيىستى قۇجاتتار جيناقتالدى. اتا-انالىق قۇقىعىن شەكتەۋ ءۇشىن وبلىستىق كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنا جولداندى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنىڭ باسپا ءسوز قىزمەتى.
