دانيار ەلەۋسىنوۆ كەزەكتى تيتۋلدىق جەكپە-جەگىنە شىقپاق

نۇر-سۇلتان. قازاقپارات - قازاقستاندىق كاسىپقوي بوكسشى دانيار ەلەۋسىنوۆ (9-0، 5 ك و) IBF Intercontinental تيتۋلى ءۇشىن جەكپە-جەككە شىقپاق، دەپ حابارلايدى Sports.kz.

Matchroom Boxing پروموۋتەرلىك كومپانياسىنىڭ حابارلاۋىنشا، دانيار ەلەۋسىنوۆ 27-قاراشادا IBF Intercontinental تيتۋلى ءۇشىن بۇرىنعى الەم چەمپيونى دجۋليۋسو يندونگوعا (23-2، 12 ك و) قارسى جەكپە-جەككە شىقپاق.

ايتا كەتەيىك، ەلەۋسىنوۆ- ينديگو جەكپە-جەگى ءساۋىر ايىندا ۇيىمداستىرىلۋى ءتيىس ەدى. الايدا، پاندەمياعا بايلانىستى كەيىنگە شەگەرىلدى. دانيار سوڭعى جەكپە-جەگىن وتكەن جىلدىڭ جەلتوقسانىندا وتكىزدى. ول امەريكالىق الان سانچەستى (20-5-1، 10 ك و) بەسىنشى راۋندتا تەحنيكالىق نوكاۋتپەن جەڭدى.