دۋبايدان ۇشىپ كەلگەن قازاقستاندىقتان كوروناۆيرۋس انىقتالدى
نۇر-سۇلتان. قازاقپارات - كولىكتەگى باس مەملەكەتتىك سانيتارلىق دارىگەر ءسادۋاقاس بايعابىلوۆ COVID-19 جۇقتىرىپ الىپ، دۋبايدان كەلگەن جولاۋشىنىڭ ىشكى اۋە رەيسىنە جىبەرىلمەگەنىن ءمالىم ەتتى، دەپ حابارلايدى قازاقپارات ءتىلشىسى.
قازىرگى ۋاقىتتا سانيتارلىق- كارانتيندى پوستاردا ەپيدەميولوگتار پ ت ر-تەست انىقتاماسىنىڭ بار- جوعىن ءجىتى تەكسەرىپ جاتىر.
«2020 -جىلدىڭ 13-قاراشاسىندا نۇر-سۇلتانعا دۋبايدان 129 جولاۋشى ۇشىپ كەلدى. ونىڭ ىشىندە 125 ادام پ ت ر- تەست انىقتاماسى بولعانىمەن، 4 ى انىقتاماسىز كەلدى. پ ت ر- تەست انىقتاماسى جوق قازاقستان ازاماتتارى ءتارتىپ بويىنشا ترانزيتپەن ىشكى رەيستەرگە وتىرۋ ءۇشىن پ ت ر- تەستەن ءوتۋ ءۇشىن كارانتينگە جاتقىزىلدى. 13-قاراشادا نۇر-سۇلتان اۋەجايىنا قازاقستان ازاماتى كەلىپ، ترانزيتپەن الماتىعا ۇشپاق بولعان. پ ت ر- اناليزدەن وتكەنى تۋرالى انىقتامانى وتكىزگەن. ەپيدەميولوگتار اتالمىش انىقتامانى تەكسەرۋ بارىسىندا قورىتىندىدا COVID-19 بويىنشا وڭ (positive) ناتيجە دەپ كورسەتىپ تۇرعانىن كوردى. وسىلايشا كوروناۆيرۋس جۇقتىرعان ايەل جولىنان قالىپ، ەلورداداعى كارانتيندىك ستاتسيونارعا جاتقىزىلدى»، - دەدى ءسادۋاقاس بايعابىلوۆ.
