ايمان وماروۆا «حالىق ءۇنى» جوباسى قامتىعان شارالار تۋرالى ايتتى

«قازىرگى «حالىق ءۇنى» جوبامىز پرەزيدەنت تۇجىرىمداماسىن نەگىزگە الىپ وتىر. وسى جوبا اياسىندا ەل حالقى ءتيىستى ماسەلەلەردى جەتكىزىپ، وڭتايلى تاجىريبەسىمەن دە بولىسە الادى. مۇنىڭ بارلىعى «حالىق ۇنىنە قۇلاق اساتىن مەملەكەت» تۇجىرىمداماسى لايىقتى دەڭگەيدە ىسكە اسۋى ءۇشىن قاجەت بولىپ تۇر»، - دەدى ا. وماروۆا Antikor الاڭىنداعى ونلاين باسپا ءسوز ءماسليحاتىندا.

«حالىق ءۇنى» جوباسى بارىسىندا العا نەگىزگى التى مىندەت قويىلىپ وتىر.

ولار:

1. بيلىك پەن بۇقارانىڭ اراسىنداعى بايلانىستى نىعايتۋ؛

2. مەملەكەتتىك قىزمەتتەردى، الەۋمەتتىك تولەمدەردى الۋ شارتتارىن تۇرعىندارعا كەڭىنەن ءتۇسىندىرۋ؛

3. الەۋمەتتىڭ ءال- اۋقاتىن ارتتىرۋ ماقساتىندا جۇزەگە اسىپ جاتقان مەملەكەتتىك ساياساتتى جان- جاقتى ءتۇسىندىرۋ، مەملەكەتتىك باعدارلامالارعا قاتىسۋ بەلسەندىلىگىن ارتتىرۋ؛

4. شالعاي ايماقتارداعى تۇرعىنداردى اقپاراتتاندىرۋ سالاسىن جەتىلدىرۋ؛

5. حالىق اراسىندا ءتۇرلى الەۋمەتتىك ماسەلەلەردى تالداپ- تارازىلاپ، مونيتورينگ جاساۋ؛

6. مەملەكەتتىك ورگانداردىڭ جۇمىسىنىڭ دۇرىستىعىن قامتاماسىز ەتۋ ارقىلى حالىقپەن ۇدايى كەرى بايلانىس ورناتۋ.

«جوبا اياسىندا اباي اۋدانىنا ساپارلاعان كەزدە تۇرعىندار تاراپىنان ءتۇرلى ماسەلەلەر كوتەرىلدى. بۇل جوباعا ق ر سىبايلاس جەمقورلىققا قارسى قىزمەتى دە قاتىسقانى ءتيىمدى بولاتىنىن ءتۇسىنىپ وتىرمىز. وسى ورايدا اگەنتتىك وكىلدەرىنە، «Altyn Qyran», «Human Rights Lawyers»

قورلارىنا العىسىمدى ايتقىم كەلەدى. ولار العاشقى ساپارىمىز بارىسىندا ءوزىنىڭ ەلەۋلى ۇلەسىن قوسىپ ۇلگەردى. اتالعان اۋداندا كىتاپحانا، ينتەرنەت ماسەلەسى، مەكتەپتەردە اعىلشىن ءتىلىن وقىتۋ، تۇرعىنداردىڭ دەنساۋلىعى پروبلەمالارى زەردەلەندى. بۇل تۇرعىدا پروبلەمالاردى ەسكەرىپ، حاتتاما دايارلاپ، ونى پرەزيدەنت اكىمشىلىگىنە جولدادىق»، - دەدى ايمان وماروۆا.

بۇدان بۇرىن حابارلانعانداي، قاراشا ايىنىڭ باسىندا ايمان وماروۆا «حالىق ءۇنى» جوباسى باستاۋ العان شىعىس قازاقستان وبلىسىنداعى اباي اۋدانى حالقىنىڭ پروبلەمالارىن اتادى. اقپارات جانە قوعامدىق دامۋ مينيسترلىگىنىڭ تىكەلەي قولداۋىمەن ق ر پرەزيدەنتىنىڭ جانىنداعى ۇلتتىق قوعامدىق سەنىم كەڭەسىنىڭ مۇشەسى، قۇقىق قورعاۋشى ايمان وماروۆانىڭ باستاماسىمەن جانە «Altyn Qyran», «Human Rights Lawyers» قورلارىمەن ارىپتەستىكتە «حالىق ءۇنى» الەۋمەتتىك جوباسى قولعا الىنعان.

اۆتور: رۋسلان عابباسوۆ