الماتىدا ساموكات جۇرگىزىپ كەلە جاتقان ايەلدى جۇك كولىگى قاعىپ، مەرت قىلدى

ادام ولىمىنە الىپ كەلگەن جول- كولىك وقيعاسى 12- قاراشادا ساعات 20:35-تە ءابىش كەكىلبايەۆ پەن بايقاداموۆ كوشەلەرىنىڭ قيىلىسىندا بولدى.

«جۇك كولىگىنىڭ جۇرگىزۋشىسى ءا. كەكىلبايەۆ كوشەسىنىڭ بويىمەن كەلە جاتىپ سولتۇستىك باعىتتا بايقاداموۆ كوشەسىنىڭ قيىلىسىندا وڭعا بۇرىلىپ، ۆەلوسيپەد جولاعىمەن ساموكات جۇرگىزىپ كەلە جاتقان 1974 -جىلى تۋعان ايەلدى قاعىپ كەتتى. ايەل العان جاراقاتتارىنان وقيعا ورنىندا كوز جۇمدى. ال جۇرگىزۋشى وقيعا ورنىنان قاشىپ كەتكەن. كوپ ۇزاماي پوليتسيا قىزمەتكەرلەرى ونى ۇستادى»، - دەدى الماتى قالاسى بويىنشا پوليتسيا دەپارتامەنتىنىڭ تەرگەۋ باسقارماسىنىڭ باستىعى ولجاس ءشارىپوۆ.

دەرەك ق ر ق ك 345 - بابىنىڭ 3 - ءبولىمى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە ەنگىزىلدى.

اۆتور: گۇلميرا عوسمانالي