جاپونيادا كوروناۆيرۋس جۇقتىرۋدىڭ رەكوردتىق كورسەتكىشى تىركەلدى
توكيو. KYODO NEWS - قازاقپارات - بەيسەنبى كۇنى جاپونيا كوروناۆيرۋس جۇقتىرۋدىڭ جاڭا 1660 جاعدايىن راستادى، بۇل بيىلعى جىل باسىنان بەرگى كۇندىزگى رەكوردتىق ماكسيمۋم، دەپ حابارلايدى قازاقپارات KYODO NEWS اگەنتتىگىنە سىلتەمە جاساپ.
دەنساۋلىق ساقتاۋ جۇيەسىندەگى كەيبىر ساراپشىلار قىسقى ۋاقىت جاقىنداعان سايىن كوروناۆيرۋس ىندەتىنىڭ ءورشۋىن بولۋى مۇمكىن «ءۇشىنشى تولقىن» دەپ اتاپ وتىر. ۆيرۋستارعا قارسى كۇرەس جۇرگىزۋ كوميتەتىنىڭ وتىرىسىنان كەيىن جاپونيا ۇكىمەتىنىڭ كوروناۆيرۋستى ەلەۋ شارالارىنا جاۋاپ بەرەتىن ءمينيسترى ياسۋتوشي نيشيمۋرا «ينفەكتسيانىڭ جازعى كەزەڭنەن كەم تۇسپەيتىن ءورشۋى جاقىنداعانىن» ەسكەرتتى. بۇعان دەيىن بۇكىل ەل بويىنشا بىركۇندىك رەكورد (1597 وقيعا) 7 -تامىزدا تىركەلگەن ەدى. ساراپشىلار ينفەكتسيانىڭ ءورشۋىن اۋا رايىنىڭ سۋىتۋىمەن بايلانىستىرىپ وتىر. جاپونيا مەديتسينالىق قاۋىمداستىعىنىڭ باسشىسى توسيو ناكاگاۆا سوڭعى جاعدايدى كوروناۆيرۋستىڭ ءۇشىنشى تولقىنى دەپ اتادى.
