سارىاعاشتىق تۇرعىندار شەكارا سىمدارى ارقىلى وزبەكستاندىقتاردى وتكىزىپ كەلگەن

سارىاعاش اۋدانىنىڭ ءۇش تۇرعىنى شەكارا سىمدارى ارقىلى وزبەكستاندىقتاردى وتكىزىپ كەلگەنى انىقتالدى، دەپ حابارلايدى قازاقپارات ءتىلشىسى.

وبلىستىق پ د باسپا ءسوز قىزمەتىنىڭ مالىمەتىنشە، ۇيىمداسقان قىلمىستىق توپتىڭ مۇشەلەرى وزىندەرىنە جۇكتەلگەن مىندەتتەردى ورىنداعان. بىرەۋى شەكارادان زاڭسىز وتكىسى كەلەتىن ادامداردى تاپسا، ەكىنشىسى تابىلعان ادامدى شەكارادان جاسىرىن وتكىزىپ وتىرعان. ال، ءۇشىنشى كۇدىكتى زاڭسىز كەلۋشىلەردى تاسىمالداپ وتىرعان. ولار ەكى اي كولەمىندە 10 وزبەكستاندىقتى شەكارا سىم تورلارى ارقىلى وتكىزگەنى بەلگىلى بولعان. بۇل قىزمەتتەرى ءۇشىن ءاربىر شەتەلدىك ازاماتتان 150 مىڭ تەڭگەدەن اقشا الىپ وتىرعان. كۇدىكتىلەردىڭ ءبىرى كەزەكتى رەت وزبەكستان رەسپۋبليكاسى ازاماتىن شەكارادان اسىرۋ بارىسىندا ۇستالعان. پوليتسەيلەر ونىڭ قالتاسىنان ايعاقتى زات رەتىندە قاعاز اقشالار تاركىلەپ الدى.

«اتالعان 3 كۇدىكتىگە قاتىستى ق ر ق ك- ءنىڭ 394-بابى «زاڭسىز كوشى- قوندى ۇيىمداستىرۋ» بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە. ال، شەكارادان زاڭسىز وتكەن وزبەكستان ازاماتتارىنىڭ ءىس- ارەكەتى ق ر ق ك- ءنىڭ 392-بابى «قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ ءوتۋ» بويىنشا تىركەلدى. قازىرگى تاڭدا اتالعان جايتقا بايلانىستى سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر قاماۋعا الىندى» دەلىنگەن حابارلامادا.