كوروناۆيرۋسپەن اۋىرعاندار پسيحيكالىق اۋىتقۋعا بەيىم بولادى - عالىمدار

زەرتتەۋ ناتيجەسى بويىنشا عالىمدار وسىنداي تۇجىرىمعا كەلدى. ونىڭ نەگىزىندە كوروناۆيرۋستى جۇقتىرعانداردىڭ %20 ىندا 90 كۇن ىشىندە پسيحيكالىق اۋىتقۋلار پايدا بولادى ەكەن.

كوروناۆيرۋسپەن اۋىرىپ شىققان ءاربىر بەسىنشى ادامدا بەلگىلى ءبىر پسيحيكالىق اۋىتقۋلار داميدى، دەيدى عالىمدار، ءبىراق ولار نەگە ەكەنىن ءالى بىلمەيدى. وكسفورد ۋنيۆەرسيتەتىنىڭ زەرتتەۋشىلەرى covid-19 بەن اۋىرىپ شىققان ناۋقاستاردى زەرتتەگەن.

ادامداردا اۋرۋدان ايىعىپ شىققاننان كەيىن پسيحولوگيالىق پروبلەمالار تۋىنداعان، بۇل ەڭ الدىمەن مازاسىزدىق، دەپرەسسيا جانە ۇيقىسىزدىق. سونداي-اق عالىمدار دەمەنتسيانىڭ (اقىل-وي قابىلەتتەرىنىڭ جالپى ناشارلاۋى) دامۋ قاۋپى جانە ميدىڭ كەيبىر فۋنكتسيالارىنىڭ ناشارلاۋى ايتارلىقتاي ارتاتىنىن اتاپ ءوتتى.

«دارىگەرلەر مەن عالىمدار مۇنداي ادامداردا پسيحولوگيالىق اۋىتقۋلاردىڭ دامۋىنا نە سەبەپ بولاتىنىن انىقتاپ، ولاردى ەمدەۋدىڭ جاڭا تاسىلدەرىن جاساۋى كەرەك»، - دەدى پسيحياتريا پروفەسسورى پول حارريسون.

ا ق ش- تا زەرتتەۋشىلەر كومپيۋتەرلىك مودەلدەۋدى قولدانا وتىرىپ، ەگەر بيلىك كارانتيندىك شەكتەۋلەر ەنگىزبەسە جانە ادامدار ءوزىن-ءوزى وقشاۋلاۋ رەجيمىن ساقتاماسا، بارلىق تۇرعىنداردىڭ %30 اۋرۋ جۇقتىرادى دەگەن قورىتىندىعا كەلدى.

زەرتتەۋ اۆتورلارىنىڭ ايتۋىنشا، ادامدار كوبىنەسە مەيرامحانالاردا، سپورت زالداردا، قوناق ۇيلەردە جانە كافەلەردە ۆيرۋس جۇقتىرادى، ال ەگەر حالىق ولارعا بارۋدان باس تارتسا، قىستا ينفەكتسيانىڭ بەلسەندى تۇردە تارالۋىن بولدىرماۋعا بولادى.