20:46, 11 - قاراشا 2020 | GMT +5
جىر دوداسى جاريالاندى
نۇر-سۇلتان. قازاقپارات - نۇر- سۇلتان قالاسى اكىمدىگىنىڭ قولداۋىمەن قازاقستان جازۋشىلار وداعى نۇر- سۇلتان قالالىق فيليالى «كوڭىلدە الاڭ باسىلسا.. .» اتتى قالالىق جازبا اقىندار ءمۇشايراسىن جاريالاپ وتىر، دەپ حابارلايدى Egemen.kz.
ءمۇشايراعا 35 جاسقا دەيىنگى ەلوردادا تۇراتىن اقىندار قاتىسا الادى.
بۇگىنگى بۇكىلالەمدىك پاندەميا جاعدايىنداعى ادامزاتتىق احۋال، كارانتيندىك الاڭ كوڭىل- كۇي، ساقتىق شارالارى جايىندا جالپى جۇرتقا پوەزيا تىلىمەن وي سالاتىن 1 ولەڭ، ەركىن تاقىرىپتا 1 ولەڭ جازعان ءاربىر اقىننىڭ قاتىسۋىنا مۇمكىندىك بار.
ءمۇشايراعا ولەڭدەر 2020 -جىلعى 25 - قاراشاعا دەيىن قابىلدانادى. شىعارمالاردى qalamger_astana@mail.ru ەلەكتروندى پوشتاسىنا جولداۋ قاجەت.
جۇلدە قورى:
باس جۇلدە (بىرەۋ) - 500000 تەڭگە؛
ءبىرىنشى ورىن (بىرەۋ) - 300000 تەڭگە؛
ەكىنشى ورىن (بىرەۋ) - 200000 تەڭگە؛
ءۇشىنشى ورىن (ەكەۋ) - 150000 تەڭگە؛
ىنتالاندىرۋ سىيلىعى (ۇشەۋ) - 100000 تەڭگە.
