الماتىدا ءماجىلىس دەپۋتاتتىعىنا ۇمىتكەرلەر بەلگىلى بولدى

بۇل تۋرالى بۇگىن «Nur Otan» پارتياسى الماتى قالالىق فيليالىنىڭ الاڭىندا وتكەن قالالىق پارتيا كونفەرەنسياسىنىڭ قورىتىندىسى بويىنشا بەلگىلى بولدى. ءىس- شارادا پىكىرسايىس تۋرنيرىنىڭ جانە پارلامەنت ماجىلىسىنە كانديداتتار ءۇشىن داۋىس بەرۋدىڭ قورىتىندىلارى بويىنشا پارتيالىق ءتىزىم بەكىتىلدى.

تىزىمگە 100 دەلەگات سايلاعان 7 قاتىسۋشى ەندى. ولاردىڭ اراسىندا:

1. VI شاقىرىلىمداعى پارلامەنت ءماجىلىسىنىڭ دەپۋتاتى - پلاتونوۆ ارتۋر

2. المالى اۋداندىق پارتيا فيليالىنىڭ ءتوراعاسى، اۋدان اكىمى - تورعايەۆ بەكقالي

3. «الماتى قالاسىنداعى نازاربايەۆ زياتكەرلىك مەكتەبىنىڭ فيزيكا ماتەماتيكا باعىتىنداعى د ب ب ۇ باسشىسى - سۇلەيمەنوۆا جۇلدىز

4. الماتى قالاسى قوعامدىق كەڭەسىنىڭ حاتشىسى، «اقپاراتتىق- رەسۋرستىق ورتالىق» ق ق ديرەكتورى - كوبەيەۆا التىناي

5. «Red Dragon Almaty» جشس باس ديرەكتورى - اۆەرشين كونستانتين ۆيكتوروۆيچ

6. «Jas Otan» ج ق قالالىق فيليالىنىڭ ءتوراعاسى - احمەتوۆ ءمادي ابلاي ۇلى

7. «ا ز م ك» ج ش س باس ديرەكتورى - شاردينوۆ شۋحرات احمەتجان ۇلى ەندى بۇل تۇلعالار نۇر- سۇلتان قالاسىندا وتەتىن پارتياارالىق سايلاۋعا قاتىساتىن بولادى.

جالپى دەباتقا 13 ادام اتسالىستى. سونداي-اق، كونفەرەنسيا بارىسىندا قالالىق ءماسليحات دەپۋتاتتىعىنا 78 ادامنان تۇراتىن كانديداتتاردىڭ پارتيالىق ءتىزىمى بەكىتىلدى.

ولاردىڭ قاتارىندا بارلىق الەۋمەتتىك جانە كاسىبي توپتاردىڭ وكىلدەرى بار. مىسالى، №169-مەكتەپ- ليتسەيىنىڭ ديرەكتورى، كوپبالالى انا گۇلجان بەكەنوۆا قازاقستاننىڭ پەداگوگتارىن، كوپ بالالى وتباسىلارى مەن بالالارىن قولداۋدى ماقسات تۇتىپ وتىر. تاعى ءبىر قاتىسۋشى - «Daco motors KZ» ج ش س ديرەكتورى نۇرىمبەك تاۋ پاندەميا كەزىندە حالىقتىڭ الەۋمەتتىك وسال توپتارىنا ەلەۋلى قولداۋ كورسەتتى. 20 جاستاعى شاحماتشى، حالىقارالىق شەبەر جانە ايەلدەر اراسىنداعى گروسسمەيستەر جانسايا ابدىمالىك تا پرايمەريزدىڭ ەڭ جاس قاتىسۋشىسى بولىپ پارتيالىق تىزىمگە ەندى.

سونداي-اق، ءتىزىم قاتارىندا قالانى قولداۋعا جانە دامىتۋعا باعىتتالعان ءتۇرلى الەۋمەتتىك جوبالاردىڭ قاتىسۋشىسى ماكسيم فينوگەنوۆ بار. ونىڭ سايلاۋالدى تۇعىرناماسىندا باستى نازار - وتاندىق ءوندىرىستى دامىتۋ جانە جۇمىس ورىندارىن اشۋ.

مەگاپوليستەگى زووباقتىڭ مەڭگەرۋشىسى ايگەرىم جاقسىلىقتىڭ ماقساتى - ۆەتەريناريا سالاسىنداعى وزەكتى ماسەلەلەردى شەشۋ. كارديوحيرۋرگ المات كوداسبايەۆ مەديتسينا سالاسىنداعى ماسەلەلەردى، مەديتسينا قىزمەتكەرلەرىنىڭ مارتەبەسىن كوتەرۋدى ماقسات ەتىپ وتىر. بەلگىلى بلوگەر مەيىرجان تورەبايەۆ جانە تاعى باسقالار دا تىزىمگە ەندى.

جالپى كانديداتتار قاتارىنا 27 ايەل (%35) جانە 35 جاسقا دەيىنگى 15 جاس (%20) كىردى. بۇدان باسقا، شاعىن جانە ورتا بيزنەس سۋبەكتىلەرى مەن ۇ ە ۇ وكىلدەرىنىڭ سانى بويىنشا الماتىنىڭ كوشباسشىلىعىن ەسكەرە وتىرىپ، تىزىمدەگى كانديداتتاردىڭ %50 عا جۋىعى بيزنەس- قۇرىلىمدار مەن ۇكىمەتتىك ەمەس ۇيىمداردىڭ وكىلدەرى بولدى. ءىس- شارا اياسىندا قالانى دامىتۋدىڭ 12 درايۆەرىنەن تۇراتىن جانە ەلباسىنىڭ «الماتى 2050» دامۋ ستراتەگياسىنا نەگىزدەلگەن «Nur Otan» سايلاۋالدى باعدارلاماسى بەكىتىلدى. پارتيالىق كونفەرەنسيا بارلىق سانيتارلىق- ەپيدەميولوگيالىق تالاپتاردى ساقتاي وتىرىپ، اۋدان دەلەگاتتارى ءۇشىن ZOOM ارقىلى ونلاين ترانسلياتسيالاۋ ارقىلى وتكىزىلگەنىن اتاپ وتكەن ءجون.

كونفەرەنسيا «Nur Otan» پارتياسىنىڭ الماتى قالالىق فيليالىمەن پرايمەريزدى وتكىزۋدىڭ سوڭعى كەزەڭىن اياقتادى.

ەستەرىڭىزگە سالا كەتەيىك، بۇعان دەيىن الماتىداعى پرايمەريزگە 200 گە جۋىق كانديدات قاتىسقان بولاتىن، ونىڭ ىشىندە 54 قاتىسۋشى - جاڭا ۇمىتكەر. بۇل - جاقسى ناتيجە، سەبەبى پرايمەريز باستاپقىدا «Nur Otan» كادرلارىن جاڭارتۋدى كوزدەگەن بولاتىن.

اۆتور: گۇلميرا عوسمانالي