ايدا بالايەۆا: قازاقستاندىق ب ا ق باسەكەگە قابىلەتتىلىگىن كورسەتىپ كەلەدى
«جالپى پاندەميا اقپارات سالاسىنا ءوز اسەرىن تيگىزدى. ياعني، جارناما بەرۋشىلەر ازايىپ، شىعارىلىمداردىڭ داناسى ءتۇسىپ كەتتى. وسىنداي جاعدايدا كوپتەگەن بۇقارالىق اقپارات قۇرالدارى جابىلۋعا ءماجبۇر بولدى»، - دەگەن ايدا بالايەۆا قازىرگى ۋاقىتتا ب ا ق قۇرالدارى اراسىندا باسەكە ارتىپ كەلە جاتقانىن اتاپ ءوتتى.
ءمينيستردىڭ ايتۋىنشا قازىرگى ۋاقىتتا قانداي ب ا ق بولسىن ساعات سايىن وقىرمان مەن كورەرمەننىڭ ىقىلاسىن اۋدارۋ باسەكەسى ءجۇرىپ جاتىر.
«سوندىقتان ءاربىر ارنا ساپالى ءارى قىزىقتى كونتەنت جاساۋدى ويلايدى. الەۋمەتتىك جەلىلەر ارقىلى جۇمىسىن كورسەتۋگە تىرىسادى. بۇل رەتتە ءبىزدىڭ ب ا ق جوعارى بىلىكتىلىگى مەن باسەكەگە قابىلەتتىلىگىن كورسەتىپ كەلەدى. ولار وزدەرىنىڭ اۋديتورياسى ءار ۋاقىتتا قىزىقتى بولۋىن تىلەيمىن. قىزىقتى ماتەريالدار ۇسىنىپ، كورەرمەندەردىڭ جۇرەگىنەن جول تابۋىنا تىلەكتەسپىن»، - دەيدى ايدا بالايەۆا.
ەسكە سالا كەتسەك ەلوردادا Astana Media Week 2020 ءوتىپ جاتىر. ءىس-شارانىڭ نەگىزگى ماقساتى - وتاندىق مەدياسالانى دامىتۋ مەن يندۋسترياداعى ىسكەرلىك قارىم-قاتىناستى ايماقتىق جانە حالىقارالىق دەڭگەيدە ىلگەرىلەتۋ.
مەديااپتالىق ءتورتىنشى جىل قاتارىنان الەمنىڭ تۇپكىر-تۇپكىرىنەن جەتەكشى ساراپشىلاردى ءداستۇرلى تۇردە جيناپ كەلەدى جانە وزەكتى تاقىرىپتار تالقىلانادى.
