دەنساۋلىق مينيسترلىگى ءدارىحانا جۇمىسىنداعى كەمشىلىكتەر تۋرالى ايتتى

«مەملەكەت باسشىسىنىڭ ءدارى- دارمەك باعاسىنىڭ نەگىزسىز وسۋىنە جول بەرمەۋ تاپسىرماسىن ورىنداۋ ماقساتىندا دارىلىك زاتتاردىڭ باعاسىن باقىلاۋدى قامتاماسىز ەتۋ تۇرعىسىندا وبلىستار مەن رەسپۋبليكالىق ماڭىزداعى قالالاردا مونيتورينگىلىك توپتار قۇرىلدى. ولاردىڭ قۇرامىنا ءبىزدىڭ كوميتەتتىڭ اۋماقتىق بولىمشەلەرى، جەرگىلىكتى اتقارۋشى ءارى قۇقىق قورعاۋ ورگاندارى ەنگىزىلدى. مونيتورينگىلىك توپتارمەن 1640 تان استام ءدارىحانا قامتىلىپ، شەكتى باعادان اسىپ ساتىلعان دارىلىك زاتتاردىڭ 199 اتاۋى انىقتالدى»، - دەدى ن. اسىلبەكوۆ ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، بيىلعى15-شىلدەدەن 9-قاراشاعا دەيىن 174 ميلليون تەڭگە سوماسىنا شەكتى باعانىڭ ارتۋىنىڭ 876 فاكتىسى، 39,4 ميلليون تەڭگە سوماسىنا دارىلىك زاتتاردى زاڭسىز وتكىزۋدىڭ 347 فاكتىسى انىقتالدى. مۇنىمەن قوسا، 1223 اكىمشىلىك حاتتاما تولتىرىلىپ، 213 ميلليون تەڭگەدەن استام سومادا ايىپپۇل سالىندى.

زاڭسىز اينالىمنان 10 ميلليوننان استام ءدارى- دارمەك پەن مەديتسينالىق زاتتار الىندى. بۇدان بۇرىن حابارلانعانداي، نۇرلىبەك اسىلبەكوۆ ەلىمىزدەگى دارىلىك زاتتاردىڭ قورىنا قاتىستى تۇسىنىك بەردى. قازىرگى كەزدە ءدارىحانالاردا حالىقتىڭ دارىلىك زاتتارعا قاجەتتىلىگىن قامتاماسىز ەتۋ ءۇشىن پرەپاراتتار جەتكىلىكتى.

اۆتور: رۋسلان عابباسوۆ