قىتايدا وتكەن فەستيۆالدە قازاقستاندىق فيلم جۇلدە الدى
بەيجىڭ. قازاقپارات - 6-8- قاراشا ارالىعىندا قىتايدا وتكەن VIII ازيالىق قىسقامەتراجدى فيلمدەر فەستيۆالىندە قازاقستاندىق كينورەجيسسەر ارمان بايمۇراتوۆتىڭ «وزگەرىس» كارتيناسى شاڭحاي ىنتىماقتاستىق ۇيىمى (ش ى ۇ) ەلدەرىنىڭ شەتەلدىك فيلمدەرى اراسىندا قىسقا مەتر نوميناتسياسىندا ۇزدىك دەپ تانىلدى، دەپ حابارلايدى قازاقپاراتتىڭ مەنشىكتى ءتىلشىسى.
اتالعان قىسقامەتراجدى كينو فەستيۆالىنە قىتايدان جانە الەمنىڭ تاعى 20 ەلىنەن كەلگەن كينورەجيسسەرلەردەن 5000 نان استام ءوتىنىم كەلىپ تۇسكەن.
كينورەجيسسەر ارمان بايمۇراتوۆتىڭ «وزگەرىس»، «ۆو سنە» جانە «تۋپيك» جۇمىستارى ش ى ۇ قاتىسۋشى ەلدەرىنىڭ قىسقا مەتراجدى فيلمدەر باعدارلاماسىندا جاريالاندى، ونىڭ ىشىندە «وزگەرىس» فيلمى VIII Asia Microfilm Art Festival قازىلار القاسىنىڭ جۇلدەسىنە يە بولدى.
ەسكە سالا كەتەيىك، لينتسانداعى (يۋننان پروۆينتسياسى، وڭتۇستىك-باتىس قىتاي) ازيالىق قىسقامەتراجدى كينو فەستيۆالىنىڭ تاريحى 2013-جىلدان باستاۋ الادى، ول ءار كۇز سايىن وتەدى.
