حالىقارالىق قاۋىمداستىق قازاقستانداعى كوروناۆيرۋس جاعدايىنان حاباردار بولدى

كەشە ق ر دەنساۋلىق ساقتاۋ مينيسترلىگى باسشىلىعى باستاعان قازاقستاندىق دەلەگاتسيا دۇنيەجۇزىلىك دەنساۋلىق ساقتاۋ اسسامبلەياسىنىڭ ۆيرتۋالدى فورماتتاعى 73-سەسسياسىنىڭ جۇمىسىنا قاتىستى.

«COVID-19 تارالۋىنىڭ الدىن الۋ، ەپيدەمياعا قارسى جانە جەدەل پروفيلاكتيكالىق شارالار قابىلداۋ ماقساتىندا ءبىز ءبىرقاتار شارانى جۇزەگە اسىرۋدامىز. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە زاڭنامالىق دەڭگەيدە باس مەملەكەتتىك سانيتار دارىگەردىڭ شەكتەۋ ءىس-شارالارىن، ونىڭ ىشىندە كارانتيندى ەنگىزۋ بولىگىندە وكىلەتتىكتەرىن كۇشەيتۋ بويىنشا نورمالار ەنگىزىلدى، ولار بارلىق ادام ءۇشىن مىندەتتى»، - دەدى ونلاين جيىندا مينيسترلىكتىڭ ىنتىماقتاستىق جانە ينتەگراتسيا دەپارتامەنتىنىڭ ديرەكتورى گۇلنار مۇحانوۆا.

دەنساۋلىق ساقتاۋ مينيسترلىگى جانىنان كوروناۆيرۋس ينفەكتسياسىمەن سىرقاتتانۋدى بولجاۋ جانە قاجەتتى شارالاردى ازىرلەۋ جونىندەگى جۇمىس توبى قۇرىلدى، ول ورتا مەرزىمدى جانە قىسقا مەرزىمدى بولجامدار جاسايدى.

كوروناۆيرۋس ينفەكتسياسىنىڭ تارالۋىنا بايلانىستى ەپيدەميولوگيالىق جاعدايدى باعالاۋ ماتريتساسى ازىرلەندى، ونىڭ كومەگىمەن شەكتەۋ شارالارىن كۇشەيتۋ نەمەسە جەڭىلدەتۋ بويىنشا شەشىمدەر قابىلدانادى. كوروناۆيرۋس ينفەكتسياسىنىڭ تارالۋىن باقىلاۋ، سونداي-اق ىندەت وشاعىن ۋاقتىلى وقشاۋلاۋ ءۇشىن قازاقستان رەسپۋبليكاسىندا «Covid-19 باقىلاۋ ورتالىعى» جانە «Saqbol» ۆەب- قوسىمشاسى ەنگىزىلدى، QR- كودتى سكانەرلەۋ ارقىلى قوعامدىق ورىندارعا كىرۋ، ق ر اۋماعىنا كەلگەن جولاۋشىلارعا ساۋالناما جۇرگىزۋ، «مەن ءۇي كارانتينىندەمىن» دەگەن ءۇش مودۋلدەن تۇراتىن «Zertteu» اتتى تاعى ءبىر موبيلدى قوسىمشا دايىندالۋدا.

ينفەكتسيانىڭ تارالۋىنا جول بەرمەۋ ماقساتىندا قازاقستان رەسپۋبليكاسى مەملەكەتتىك شەكارانى وتكىزۋ پۋنكتەرىندە سانيتاريالىق-ەپيدەميولوگيالىق جانە كوشى-قون باقىلاۋىن كۇشەيتتى. سونىمەن قاتار، ەلىمىز تەستىلەۋدىڭ قولجەتىمدىلىگىن قامتاماسىز ەتۋ بويىنشا جۇمىستى جالعاستىرۋدا.

بۇگىندە 3,6 ميلليوننان استام زەرتتەۋ جۇرگىزىلدى، اعىمداعى قۋاتى - تاۋلىگىنە 71 مىڭنان استام تەست. تەستىلەۋ قۋاتىنىڭ كورسەتكىشى 100 مىڭ تۇرعىنعا شاققاندا شىلدە ايىنان باستاپ 2 ەسەگە، 100 مىڭ تۇرعىنعا شاققاندا 213,0 دەن 370,0 گە دەيىن ۇلعايدى.

كارانتين شارالارىنىڭ ساقتالۋىن باقىلاۋ ءۇشىن ەلىمىزدىڭ بارلىق وڭىرىندە رەيد جۇرگىزەتىن جانە كارانتين تالاپتارىن بۇزعانداردى انىقتايتىن موبيلدى مونيتورينگ توپتارى قۇرىلدى.

«وسىلايشا، قازاقستاندا Covid-19 تارالۋىنىڭ الدىن الۋ جانە دەنساۋلىق ساقتاۋ جۇيەسىن دايىنداۋ بويىنشا ءتيىستى شارالار قابىلدانۋدا»، - دەپ اتاپ ءوتتى گ. مۇحانوۆا.

ايتا كەتەيىك، دۇنيەجۇزىلىك دەنساۋلىق ساقتاۋ اسسامبلەياسىنىڭ 73-سەسسياسى 2020-جىلدىڭ 14- قاراشاسىنا دەيىن جالعاسادى.