قوستانايداعى ورتەنىپ جاتقان اۋرۋحانانىڭ پاتسيەنتتەرى وبلىس ورتالىعىنا جەتكىزىلدى

«قازىرگى ۋاقىتتا فەدوروۆ اۋداندىق اۋرۋحاناسىنىڭ پاتسيەنتتەرى، اتاپ ايتقاندا، وتادان كەيىنگى، جۇكتى جانە بوسانعان ايەلدەر، سونداي-اق ەرەكشە باقىلاۋدى قاجەت ەتەتىندەر قوستاناي وبلىستىق اۋرۋحاناسىنا جەتكىزىلدى. ونىڭ ىشىندە رەانيماتسيالىق كومەك قاجەت ەتەتىن ناۋقاستار دا بار. ال اۋرۋحانادان شىعارۋعا دايىندالىپ جاتقان 6 پاتسيەنت ينتەرناتقا قونىپ شىعادى»، - دەدى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى كسەنيا جيلكيبايەۆا.

قازىر فەدوروۆ اۋدانىنىڭ جەدەل جاردەم قوسالقى ستانسياسىنا قوستاناي قالاسىنىڭ جەدەل جاردەم بريگاداسى اتتاندى.

ەسكە سالساق، قوستاناي وبلىسىنىڭ فەدوروۆ اۋدانىندا اۋرۋحانا ورتەنىپ جاتىر. ق ر ت ج م رەسمي وكىلى تالعات ءۋاليدىڭ ايتۋىنشا، بۇگىن ساعات 18:28-دە قوستاناي وبلىسىنىڭ ورتكە قارسى قىزمەت پۋلتىنە فەدوروۆ اۋدانىنىڭ اۋرۋحاناسى عيماراتىنداعى ءورت تۋرالى شاقىرتۋ تۇسكەن.

«ءورت سوندىرۋشىلەر وقيعا ورنىنا ءتورت مينۋتتان كەيىن، ساعات 18:32-دە جەتتى. ولار كەلگەن كەزدە ءورت 300 شارشى مەتر اۋماقتا شاتىر، توبە جابىنى جانە ليفت شاحتاسىن جالماعان. وقيعا ورنىنا قوستاناي وبلىسى ت ج د جاقىن بولىمشەلەرىنىڭ كۇشتەرى جۇمىلدىرىلدى. اتاپ ايتقاندا، جەتى ارنايى تەحنيكا مەن جەكە قۇرامنىڭ 25 ادامى ءورت اۋماعىندا جۇمىس ىستەپ جاتىر»، - دەپ ناقتىلادى تالعات ءۋالي.