قوستاناي وبلىسىندا اۋرۋحانا ورتەنىپ جاتىر

اقپاراتتى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى كسەنيا جيلكيبايەۆا راستادى.

«قوستاناي وبلىسىنىڭ فەدوروۆ اۋداندىق اۋرۋحاناسى ورتەنىپ جاتىر. ءورت عيمارات شاتىرىنان باستالدى. قازىرگى ۋاقىتتا بارلىق ناۋقاستار مەن اۋرۋحانا قىزمەتكەرلەرى وقشاۋ ايماققا كوشىرىلدى. 50-دەن استام پاتسيەنت ەۆاكۋاتسيالاندى. زارداپ شەككەندەر جوق»، - دەدى ول اگەنتتىك تىلشىسىنە.

ءورتتىڭ ناقتى سەبەبى انىقتالىپ جاتىر. وقيعا ورنىندا 6 ءورت ءسوندىرۋ تەحنيكاسى جۇمىس ىستەۋدە. وبلىس ورتالىعىنان 3 ارنايى تەحنيكا جۇمىلدىرىلدى.