الەمدەگى ەڭ ىقپالدى ءتولقۇجات يەلەرى انىقتالدى

وسىمەن ءۇشىنشى جىل قاتارىنان جاپونيا اتالمىش يندەكستە 1- ورىندا تۇر. بۇل ەلدىڭ ازاماتتارى ۆيزاسىز (نەمەسە كەلۋ بويىنشا ۆيزامەن) الەمنىڭ 191 مەملەكەتىنە بارا الادى. بۇل وتكەن جىلمەن سالىستىرعاندا ءبىر ەلگە ارتىق.

سينگاپۋر 190 ەلمەن 2- ورىندى ساقتاپ قالدى.

وڭتۇستىك كورەيا ءبىر جىل ىشىندە ءبىر ورىنعا ءتۇسىپ، ەندى گەرمانيامەن 3- ورىندى ءبولىسىپ تۇر (189 باعىت).

ا ق ش پەن ۇلى بريتانيا رەيتينگتە ءارى قاراي تومەندەپ كەلەدى. ولار ءبىر جىل ىشىندە 6- ورىننان 8- (ۆيزاسىز 184 ەل) تۇسكەن. ايتا كەتەيىك، 5 جىل بۇرىن بۇل ەكى ەل يندەكستىڭ كوشباسشىسى ەدى.

188 ەلمەن فينليانديا مەن يتاليا 4- ورىندا، ال دانيا، ليۋكسەمبۋرگ جانە يسپانيا - 5- ورىندا كەلەدى. بۇل ەلدەردىڭ پاسپورتىمەن ۆيزاسىز 187 مەملەكەتكە بارا الاسىز.

يندەكستىڭ تاريحي كورسەتكىشتەرى ب ا ءا- گە تيەسىلى. اراب مەملەكەتى سوڭعى 15 جىلدا 47 پۋنكتكە كوتەرىلىپ، ەندى 18- ورىندا تۇر. ەل ازاماتتارى ۆيزاسىز 171 مەملەكەتكە بارا الادى.

كوش سوڭىندا ءالى كۇنگە دەيىن اۋعانستان كەلەدى. وسى ەلدىڭ ازاماتتارى ۆيزاسىز بار بولعانى 26 مەملەكەتكە ساپارلاي الادى.

ءبىر قىزىعى، ءبىرىنشى ورىنداعى جاپونيا مەن سوڭعى ورىنداعى اۋعانستان اراسى - 165 ورىن. بۇل يندەكستىڭ 15 جىلدىق تاريحىنداعى ەڭ ۇلكەن ايىرماشىلىق.

قازاقستاننىڭ رەيتينگتەگى ورنى (67- ءشى) وتكەن جىلمەن سالىستىرعاندا وزگەرىسسىز قالدى. ەلىمىزدىڭ ازاماتتارى ۆيزاسىز 76 ەلگە ساپار شەگەدى. بۇل جاعىنان ەلىمىز ناميبيامەن ءبىر ورىندا.

ءبىر جىل ىشىندە قازاقستان ازاماتتارى سەنەگال مەن ساۋد ارابياسىنا ۆيزاسىز بارۋعا مۇمكىندىك الدى. الايدا بەنين مەن دجيبۋتي سياقتى مەملەكەتتەرگە ەندى ۆيزا جوق.

https://zanmedia.kz