ەلىمىزدىڭ باتىسىنداعى پوليگوندار سناريادتاردان تازارتىلىپ جاتىر

باسپا ءسوز قىزمەتىنىڭ مالىمەتىنشە، پوليگونداردى تازالاۋعا ينجەنەرلىك بولىمشەلەر جۇمىلدىرىلعان. ولار جەكە قورعانۋ قۇرالدارىمەن، 0,6 مەتر تەرەڭدىكتەگى جارىلعىش زاتتاردى تابۋعا ارنالعان زاماناۋي مينا دەتەكتورلارىمەن، بايلانىس قۇرالدارىمەن، سونداي- اق، جارىلعىش زاتتاردى تاسىمالدايتىن ارنايى كولىكتەرمەن قامتاماسىز ەتىلگەن. ءىس- شارا بارىسىندا ماڭعىستاۋ، اقتوبە، اتىراۋ وبلىستارىندا ورنالاسقان «ويماشا»، «بەينەۋ»، «ەسەت باتىر» جانە «قارابوتان» پوليگوندارىنىڭ اۋماعىنان 48 مىڭ گەكتاردان استام جەر تازارتىلعان.

«تازارتۋ جۇمىستارىنىڭ باستى ماقساتى - جارىلماعان وق- دارىلەردى جويۋ. سەبەبى، مۇنداي وق- دارىلەرى ىستەن شىققان. قاۋىپسىزدىك ماقساتىندا بارلىق جارىلعىش زاتتار دەتوناتسيا ادىسىمەن تابىلعان ورنىندا جويىلادى»، - دەيدى اسكەري ءبولىمنىڭ ينجەنەرلىك قىزمەتىنىڭ باستىعى كاپيتان نۇرجان ساپاربەكوۆ.

ەسكە سالا كەتەلىك، بۇدان بۇرىن اتىراۋدان 100 بوزبالا وڭتۇستىك وڭىرگە اسكەرگە اتتانعانىن جازىپ ەدىك.

اۆتور: بەك مۇستافا