ساحارا شولىندە ءجۇز ميلليونداعان اعاش بار ەكەندىگى انىقتالدى

بۇل ماماندار ءۇشىن ناعىز جاڭالىق، ويتكەنى وسى ۋاقىتقا دەيىن بۇل ايماقتىڭ كليماتىندا وسىمدىك ءوسۋى مۇمكىن ەمەس دەپ سانالدى.

الايدا، كوپەنگاگەن ۋنيۆەرسيتەتى مەن ناسا عالىمدارى بۇل گيپوتەزانى جاساندى ينتەللەكت كومەگىمەن جوققا شىعاردى. ولار ساحارا شولىندە جالعىز ءوسىپ كەلە جاتقان ءجۇز ميلليونداعان اعاشتار بار ەكەنىن انىقتادى. ونى زەرتتەۋشىلەر جەر سەرىكتەرىنەن الىنعان كوپتەگەن سۋرەتتەرمەن راستادى.

عالىمدار جاساندى ينتەللەكتكە ءشولدىڭ سپۋتنيكتىك كەسكىندەرىنە «باسقاشا قاراۋدى» ۇيرەتتى. جاساندى ينتەللەكت شولدەگى اعاشتاردى كورۋ ءۇشىن ءارتۇرلى اعاشتاردىڭ مىڭداعان بەينەلەرىن زەرتتەدى. وعان ساحارا ءشولىنىڭ كوپتەگەن فوتوسۋرەتتەرىن قاراۋ ءۇشىن بىرنەشە ساعات قاجەت بولدى.

ءشول وسىمدىكتەرى تۋرالى الىنعان بۇل جاڭا ءبىلىم كليماتتىڭ ءدال مودەلدەرىن قۇرۋعا كومەكتەسەتىنى اتاپ ءوتىلدى. سونىمەن قاتار، بۇل بيوالۋانتۇرلىلىك پەن ەكوجۇيەنى ءتۇسىنۋ ءۇشىن جانە وسى ايماقتاردا تۇراتىن ادامدار ءۇشىن ماڭىزدى.

كەيىنگى زەرتتەۋلەر كورسەتكەندەي، ساحارانىڭ اۋدانى 100 جىلعا جەتپەيتىن ۋاقىتتا 10 پايىزعا وسكەن. عالىمدار بۇعان كليماتتىڭ وزگەرۋى كىنالى دەپ سانايدى.

massaget.kz