قازاقستاندىق بوكسشى انگلياداعى بوكس كەشىنىڭ حەدلاينەرى بولماق

نۇر-سۇلتان. قازاقپارات - قازاقستاندىق بوكسشى تۇرسىنباي قۇلاحمەت (1-0، 1 ك و) وڭتۇستىك كريكبيدەگى (انگليا) شوۋدىڭ حەدلاينەرى بولادى، دەپ حابارلايدى قازاقپارات Sports.kz سايتىنا سىلتەمە جاساپ.

MTK Global پروموۋتەر كومپانياسى قازاقستاندىق بوكسشىنىڭ انگليا سپورتشىسى ماكولەي ماكگوۋەنمەن (14-0-1، 3 ك و) جەكپە-جەگىن كەشتىڭ باستى وقيعاسى بولاتىندىعىن راستادى.

قۇلاحمەت پەن ماكگوۋەن ءبىرىنشى ورتا سالماقتا WBC International چەمپيونى بوس تيتۋلى ءۇشىن جۇدىرىقتاسادى.

ەسكە سالا كەتەيىك، تۇرسىنباي قۇلاحمەت كاسىبي رينگتەگى دەبيۋتىن 23- تامىزدا وتكىزگەن بولاتىن.

ول قازاقستاندىق ساعادات راحمانقۇلوۆپەن (6-2، 4 ك و) ايقاسىپ، ونى ءتورتىنشى راۋندتا ۋاقىتىنان بۇرىن جەڭگەن بولاتىن.

وسىلايشا 26 جاستاعى قازاقستاندىق ءوزىنىڭ ەكىنشى جەكپە-جەگىندە چەمپيوندىق بەلبەۋ ءۇشىن جۇدىرىقتاسادى.