ەلوردادا گاز قوساتىن سەرۆيس ورتالىعى اشىلادى

«قازترانسگاز ايماق» ا ق سەرۆيس ورتالىعى گازبەن جابدىقتاۋ ءۇشىن تەحنيكالىق شارتتار جاسايدى، سونداي- اق گاز قوسۋعا ءوتىنىم قابىلدايدى. اتالعان ورتالىققا كوكتال-1، 2؛ جەلەزنودوروجنىي، ءوندىرىس، اگروقالاشىق ەلدى مەكەندەرىنىڭ تۇرعىندارى جۇگىنە الادى. ورتالىق رەسپۋبليكا داڭعىلىندا 24-ۇيدە «پاراسات» بيزنەس ورتالىعىندا ورنالاسقان. سەرۆيس ورتالىعى 9:00-دەن 18:30-عا دەيىن ءجۇمىس ىستەيدى، ساعات 13:00-دەن 14:30-عا دەيىن تۇسكى ءۇزىلىس.

ەسكە سالا كەتەيىك، ەلوردادا تۇرعىن ءۇي الاپتارىندا گازبەن جابدىقتاۋ جەلىسى سالىنىپ جاتىر. گاز بەرۋ پروتسەسى ءۇش كەزەڭگە بولىنگەن، تۇرعىن ءۇي الاپتارى كەزەڭ- كەزەڭىمەن گازعا قوسىلادى. گازبەن جابدىقتاۋ ەكولوگيانى جاقسارتادى، تۇرعىندار دەنساۋلىعىنا وڭ اسەر ەتەدى. جەكە سەكتور تۇرعىندارىنىڭ ءومىر ءسۇرۋ جاعدايى ايتارلىقتاي جەڭىلدەيدى. ايتا كەتسەك، ءبىر تەكشە مەتر گازدىڭ باعاسى 45 تەڭگەدەن 34,6 تەڭگەگە دەيىن تومەندەدى.