شانحايداعى حالىقارالىق يمپورت كورمەسىندە قازاقستان پاۆيلونى اشىلدى
شانحاي. قازاقپارات – 5-قاراشا كۇنى شانحاي قالاسىندا اشىلعان قىتايدىڭ حالىقارالىق يمپورت كورمەسىندەگى (China International Import Expo) قازاقستاننىڭ پاۆيلونى جەرگىلىكتى ساتىپ الۋشىلاردىڭ ەرەكشە نازارىن اۋدارىپ وتىر، دەپ حابارلايدى «قازاقپارات» ح ا ا مەنشىكتى ءتىلشىسى.
قازاقستاندىق پاۆيلوندا ۇن، بالىق، ەت جانە ەت كونسەرۆىلەرى، ءسۇت ونىمدەرى، وسىمدىك مايلارى، كونديتەرلىك ونىمدەر مەن بال، سۋسىندار سەكىلدى تاماق ونەركاسىبى سالاسىنداعى 35 وتاندىق كومپانيانىڭ ونىمدەرى ۇسىنىلعان. ايتا كەتەرلىگى، شانحايداعى كورمەدە ونىمدەرى ۇسىنىلعان 35 قازاقستاندىق كاسىپورىن قازاقستاندا شيكىزاتتىق ەمەس وندىرۋشىلەر ءۇشىن باستالعان ەكسپورتتى جەدەلدەتۋ باعدارلاماسىنىڭ قاتىسۋشىلارى.
قازاقستاننىڭ ق ح ر- داعى ەلشىلىگىنىڭ مالىمەتى بويىنشا، ەلىمىزدەن قىتايعا تاماق ونىمدەرىنىڭ ەكسپورتى 2015 -جىلعى 31 ميلليون دوللاردان 2019 -جىلى 146 ميلليون دوللارعا دەيىن وسكەن. ەسكە سالا كەتەيىك، شانحاي قالاسىندا 5-10 قاراشا ارالىعىندا يمپورتتالاتىن تاۋارلاردىڭ ءۇشىنشى حالىقارالىق قىتاي كورمەسى ءوتىپ جاتىر. كورمەنى ۇيىمداستىرۋ كوميتەتىنىڭ حابارلاۋىنشا، قازىرگى ەكسپو- دا ءداستۇرلى سەكتسيالاردان بولەك (تاماق ونىمدەرى، تۇتىنۋ تاۋارلارى، اۆتوموبيل ونەركاسىبى جانە ت. ب. ) قوسىمشا جاڭا باعىتتار، اتاپ ايتقاندا دەنساۋلىق ساقتاۋ، سپورت تاۋارلارى، جاسىل ەنەرگەتيكا جانە تەحنولوگيالار، اقىلدى كولىك سالالارى دا قوسىلادى.
