بەيبىت قورعاننىڭ «شوق قىزدار» ءانى ءۇندىستاندىق تيكتوكتا حيتكە اينالدى

ءۇندىستان تۇرعىندارى قازاق تىلىندەگى انگە 25 مىڭنان اسا ۆيدەو تۇسىرگەن. ولاردىڭ ەڭ قىزىعىن Instagram جەلىسىندە qumash_kz پاراقشاسى جاريالادى.

«ەندى بەيبىت قورعاننىڭ «شوق قىزدار« ءانى ءۇندىستاندىق «تيكتوكتا« حيتكە اينالدى. تەك ول جاقتا ونى Nah na ney دەپ اتايدى»، - دەلىنگەن جازبا استىندا.

كەيبىر دەرەككە سۇيەنسەك، بۇل انگە روليكتى الەۋمەتتىك جەلىدە العاش بولىپ موتوتسيكل جۇرگىزۋشىسى Muhammed Roshan ەسىمدى پايدالانۋشى جاريالاعان. قازىر ونىڭ 600 مىڭعا جۋىق وقىرمانى بار. بلوگەر ۆيدەودا ءتۇرلى تريۋك جاسايدى.

قازاقستاندىقتىڭ انىنە وسى ۋاقىتقا دەيىن 25 مىڭ TikTok-ۆيدەو تۇسىرىلگەن.

«ۇندىلەردىڭ كوبى قازاق تىلىندە ءاندى ايتۋعا تىرىسادى. كەيبىرى جاقسى ايتادى»، - دەپ جازدى پوست اۆتورلارى.