ۇلت ارازدىعىن تۋعىزعان قوستاناي تۇرعىنى ەكى جىلعا سوتتالدى
بۇعان دەيىن حابارلاعانىمىزداي، پوليتسيا الەۋمەتتىك جەلى ارقىلى تاراعان ۆيدەونى تەكسەردى. رۋدنىي تۇرعىنى ۋكراينالىق بلوگەرمەن بولعان اڭگىمە بارىسىندا قازاقستان رەسپۋبليكاسىنىڭ مەملەكەتتىك ءتىلىن، جەرىن قورلاپ، قازاق حالقىنىڭ ار-نامىسىنا تيەتىن سوزدەر ايتقان. الەۋمەتتىك جەلىگە مونيتورينگ جۇرگىزۋ بارىسىندا پوليتسەيلەر YouTube ارناسىنان اتالمىش ۆيدەونى انىقتاپ، شۇعىل تەكسەرىس جۇرگىزدى.
كەيىننەن كيريلل بوجكو قازاقستان حالقىنان كەشىرىم سۇراپ، ۆيدەوۇندەۋ جولدادى. رۋدنىي قالالىق سوتىنىڭ ۇكىمىمەن رۋدنىي قالاسىنىڭ تۇرعىنى ب. ق ر ق ك 174-بابى 1-بولىگى بويىنشا سوتتالدى. «سوتتالۋشىنىڭ كىناسى بەينەجازبا جانە ارنايى ساراپتاما قورىتىندىسىمەن دالەلدەندى. سوت ءىس بويىنشا بارلىق ءمان-جايدى ەسكەرە وتىرىپ، بوجكونى 2 جىلعا باس بوستاندىعىنان ايىرۋ جازاسىن تاعايىندادى. ۇكىم زاڭدى كۇشىنە ەنگەن جوق» دەلىنگەن وبلىستىق سوتتىڭ باسپا ءسوز حابارلاماسىندا.
اۆتور: قاسقىرباي قويشىمانوۆ
