اتىراۋدا ءدىني بىرلەستىك وكىلدەرى كارانتين كەزىندە جيىن وتكىزگەن
«سۆياتوست» ءدىني بىرلەستىگى اتىراۋ ىقشام اۋدانىنداعى ەكى قاباتتى ۇيدە 40 قا جۋىق ادامدى جيناپ، ءدىني شارا وتكىزگەنى انىقتالدى. جينالعان ادامدارمەن داستارحان باسىندا وتىرىس ۇيىمداستىرعان.
بىرلەستىك اكىمشىلىگىنە قاتىستى انىقتالعان زاڭبۇزۋشىلىق بويىنشا جيناقتالعان قۇجاتتار اتىراۋ قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولدانىپ، ق ر اكىمشىلىك قۇقىقبۇزۋشىلىق تۋرالى كودەكسىنىڭ 425-بابىنىڭ 1-بولىگىنە سايكەس اكىمشىلىك شارا الىندى»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتى.
ەسكە سالا كەتەلىك، بۇدان بۇرىن اتىراۋدا ءۇش مەيرامحانادا دۇركىرەتىپ توي جاساعاندار انىقتالعان بولاتىن.
