وتاندى قاستەرلەۋ مەملەكەتتىك رامىزدەرگە قۇرمەتتەن باستالادى - قىرىمبەك كوشەربايەۆ
قازاقپارات بۇل تۋرالى اقورداعا سىلتەمە جاساپ حابارلايدى. كوميسسيا جۇمىسىنا پارلامەنت دەپۋتاتتارى، ورتالىق جانە جەرگىلىكتى اتقارۋشى ورگانداردىڭ باسشىلارى، بەلگىلى قوعام قايراتكەرلەرى مەن عالىمدار قاتىستى. كوميسسيا وتىرىسىنىڭ جۇمىسى سەلەكتورلىق بايلانىس ارقىلى ۇيىمداستىرىلدى. وتىرىستى اشقان قىرىمبەك كوشەربايەۆ مەملەكەتتىك رامىزدەردىڭ قازاقستاندىق بىرەگەيلىكتى، وتانسۇيگىشتىك سەزىم مەن حالىق بىرلىگىن قالىپتاستىرۋداعى ماڭىزىنىڭ ارتا تۇسكەنىنە توقتالدى.
«وتاندى قاستەرلەۋ مەملەكەتتىك رامىزدەرگە دەگەن قۇرمەتتەن باستالادى. مەملەكەتتىك رامىزدەر - ەل ىشىندەگى تۇراقتىلىقتىڭ نىشانى، ۇلتتىق رۋح پەن قوعامدىق كەلىسىمنىڭ جانە پاتريوتتىق تاربيەنىڭ اسا ماڭىزدى قۇرالى»، - دەپ اتاپ ءوتتى ق. كوشەربايەۆ.
جيىندا قازاقستان پرەزيدەنتىنىڭ تاپسىرماسىنا سايكەس مەملەكەتتىك رامىزدەر سالاسىنداعى زاڭنامالارعا وزگەرىستەر مەن تولىقتىرۋلار ەنگىزۋ، جاڭادان قۇرىلعان گەرالديكالىق ورتالىقتىڭ جۇمىسى، سونىمەن قاتار، قازاقستان رەسپۋبليكاسى ىشكى ىستەر مينيسترلىگىندەگى مەملەكەتتىك رامىزدەردى دارىپتەۋ جانە قولدانۋ سالاسى بويىنشا جۇمىستاردىڭ جاي- كۇيى تالقىلاندى.
سونداي- اق رەسپۋبليكالىق كوميسسيانىڭ 2021 -جىلعا ارنالعان جۇمىس جوسپارى بەكىتىلدى. كوميسسيا وتىرىسىنىڭ قورىتىندىسى بويىنشا مەملەكەتتىك حاتشى قىرىمبەك كوشەربايەۆ ورتالىق جانە جەرگىلىكتى مەملەكەتتىك ورگاندارعا ءبىرقاتار ناقتى تاپسىرما بەردى.
