الماتىدا مەترونىڭ ارتىنا جابىسىپ جۇرگەن ەكسترەمالدىڭ ۆيدەوسى تارادى

بۇل ۆيدەو 2-قاراشادا «SHERIFF Almaty» ارناسىندا «زاتسەپ مەترو الماتى» دەگەن اتاۋمەن جاريالانعان. ۆيدەو اۆتورى پويىزدىڭ ارت جاعىنداعى تىركەمەسىنە جابىسىپ الىپ، «المالى» ستانساسىنان باستاپ «اباي» ستانساسىنا دەيىن جەتكەن. «مەتروپوليتەن» م ك ك باسپا ءسوز قىزمەتى بۇل وقيعاعا قاتىستى تۇسىنىك بەردى.

«جولاۋشىلارعا قىزمەت كورسەتەتىن كەزەكشى بۇل كەزدە قاراما قارسى پلاتفورمادا كەتكەن جولاۋشىلاردى شىعارىپ سالىپ تۇرعان. وسى ۋاقىتتى پايدالانىپ بلوگەر پويىزعا جابىسىپ الىپ كەتىپ قالعان. قاۋىپتى ەكسپەريمەنت ۆيدەوكامەرالارعا ءتۇسىپ قالدى»، - دەدى باسپا ءسوز قىزمەتىنەن.

«مەتروپوليتەن» م ك ك بۇل دەرەككە قاتىستى پوليتسياعا شاعىمداندى.

«ۆيدەو اۆتورى تەك قانا ءوزى عانا ەمەس، وزگەلەردىڭ ومىرىنە دە قاۋىپ توندىرگەن. سونداي-اق، بۇزاقىلىقتىڭ كەسىرىنەن پويىزداردىڭ ءجۇرۋ كەستەسى بۇزىلۋى مۇمكىن بولدى»، - دەدى باسپا ءسوز قىزمەتىنەن.

بۇعان دەيىن پوليتسيا اۆتوبۋستىڭ ارتىنا جابىسىپ الىپ جۇرگەن ادامعا قاتىستى ءىس قوزعاعان بولاتىن.

اۆتور: گۇلميرا عوسمانالي