شىعىس قازاقستاندا تەمەكى شەگىپ وتىرىپ، ۇيىقتاپ قالعان تۇرعىن ورتتەن قازا تاپتى
بۇگىن تۇندە وسكەمەن قالاسىندا احمەر كەنتى اۋدانىنداعى كوممۋنالنايا كوشەسىندە ەكىپاتەرلى ۇيدەن ءورت شىققان. قوناق بولمەدەگى جيھاز، ءتۇسقاعاز، توبە، جەكە زاتتارى مەن تۇرمىستىق تەحنيكا ورتەنگەن. ءورت سوندىرۋشىلەر 15 شارشى مەتردەگى ءورتتى اۋىزدىقتادى. وقيعا ورنىنان 1985 -جىلى تۋعان پاتەر يەسىنىڭ كۇيىپ كەتكەن دەنەسى تابىلدى.
«ءتىلسىز جاۋدىڭ سەبەبى - سونبەي قالعان تەمەكى تۇقىلىنىڭ ديۆان مەن كيىمگە ءتۇسىپ، جانۋى. قازا بولعان ادامنىڭ اپكەسىنىڭ ايتۋىنشا، مارقۇم ماس بولعان» دەلىنگەن حابارلامادا.
ش ق و توتەنشە جاعدايلار دەپارتامەنتىنىڭ مالىمەتىنشە، تەمەكى شەگۋ كەزىندەگى ابايسىزدىق پەن نەمقۇرايلىق - ءورت تۇتانۋىنىڭ ەڭ ءجيى كەزدەسەتىن سەبەپتەرىنىڭ ءبىرى.
«تەمەكى تۇقىلى جانعىش ماتەريال بەتىنە تۇسكەندە ول جەر بىقسىپ جانا بەرەدى، ال تەمەكى قالدىعى ءسونىپ قالادى. بىقسۋ وشاعى قولايلى جاعداي تۋىنداعان كەزدە ورتكە ۇلاسۋى ىقتيمال. تەمەكىنى جاتىپ شەگۋ وتە قاۋىپتى، اسىرىسە ماس كۇيدە. ادامدار تەمەكى قالدىعى تۇسكەن جەر جانىپ جاتقان كەزدە شىعاتىن ۋلى گازعا تۇنشىعىپ ولەدى. وكىنىشكە قاراي، تەمەكى شەگۋشىلەر قاراپايىم ءورت قاۋىپسىزدىگى ەرەجەلەرىنە سەلقوستىق تانىتادى جانە وسىلايشا ءوز ءومىرىن قاتەرگە تىگەدى» دەپ ەسكەرتەدى ۆەدومستۆودان.
