تارازدا ىزدەۋدە جۇرگەن ەكى قىلمىسكەر قولعا ءتۇستى
تاراز قالاسىنداعى پ ب-2 كريمينالدىق پوليتسياسىنىڭ قىزمەتكەرلەرى «قۇقىقتىق ءتارتىپ» جەدەل الدىن الۋ ءىس-شاراسى بارىسىندا قىلمىستىق ىزدەۋدە جۇرگەن 32 جانە 50 جاستاعى ەكى قىلمىسكەردى قۇرىقتادى.
ەكى ازاماتتىڭ دا قىلمىستىق سيپاتتاعى ارەكەتتەرى ءۇشىن قۇقىق قورعاۋ ورگاندارىنان جاسىرىنىپ جۇرگەندىگى انىقتالدى.
بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.
«جەدەل-ىزدەستىرۋ شارالارى بارىسىندا ەكى ادامنىڭ دا تۇرعىلىقتى جەرى انىقتالدى. 50 جاستاعى ەر ادام بۇعان دەيىن الكوگولدىك ماس كۇيىندە بولعانى ءۇشىن ليتسەنزياسىنان ايىرىلعانىنا قاراماستان كولىك قۇرالىن باسقارعانى ءۇشىن، 32 جاستاعى ەر ادام باسقا ادامنىڭ ار-نامىسى مەن قادىر-قاسيەتىنە نۇقسان كەلتىرگەنى ءۇشىن ىزدەۋدە بولدى. ەكەۋى دە سوتقا كەلۋگە مىندەتتەتىلدى»، - دەلىنگەن حابارلامادا.
