ەلوردا سوتى ادام اعزاسىن زاڭسىز ترانسپلانتاتسيالاعان دارىگەرگە ۇكىم شىعاردى

نۇر- سۇلتان قالالىق سوتىنىڭ مالىمەتىنشە، ب. تايسالوۆانىڭ 2017-2018 -جىلدارى ارالىعىندا قازاقستانداعى شەتەلدىك كومپانيانىڭ مۇددەلەرىن بىلدىرە وتىرىپ، قازىرگى ۋاقىتتا حالىقارالىق ىزدەۋدە جۇرگەن ادامدارمەن الدىن الا ءسوز بايلاسۋ ارقىلى ارەكەت ەتكەنى انىقتالدى. ب. تايسالوۆا ولارعا ءتىرى ادامداردىڭ ورگاندارىنا قاتىستى زاڭسىز مامىلەلەر جاساۋعا كومەكتەسكەن. بۇل رەتتە، دونور مەن رەتسيپيەنتتىڭ تۋىستىق بايلانىستارى تۋرالى جالعان قۇجاتتاردى پايدالانىپ، نوتاريالدى رەسىمدەلگەن كەلىسىم تۋرالى وتەۋسىز مالىمدەمەلەردى قازاقستاننىڭ مەديتسينالىق مەكەمەلەرىنە ۇسىنعان. سولاردىڭ نەگىزىندە اعزالاردى اۋىستىرىپ ورنالاستىرۋ جۇرگىزىلگەن. سونداي- اق ترانسپلانتاتسيانى جۇزەگە اسىراتىن دارىگەرلەر گ. قۇتتىمۇراتوۆ پەن ا. دونباي قۇجاتتاردىڭ جالعاندىعى تۋرالى بىلمەيتىنى انىقتالدى.

اعزالاردى اۋىستىرىپ ورنالاستىرۋ بويىنشا بارلىق وپەراتسيالار ءتيىستى قۇجاتتاردى رەسىمدەي وتىرىپ، رەسمي تۇردە جۇرگىزىلگەن. وپەراتسيالارعا اقى تولەۋ مەديتسينالىق مەكەمەنىڭ بۋحگالتەرياسى ارقىلى ورىن العان. وسىعان بايلانىستى قۇتتىمۇراتوۆ پەن دونباي اعزالاردى زاڭسىز اۋىستىرۋدا كىناسىز دەپ تانىلدى. الايدا، قۇتتىمۇراتوۆ جۇرگىزگەن اعزالاردى اۋىستىرىپ سالۋ وپەراتسياسىنان كەيىن پاتسيەنت ۆ ي چ جۇقتىرعان، ياعني سوڭعىسى ءوز مىندەتتەرىن تيىسىنشە ورىنداماعان. تايسالوۆا ق ك- ءنىڭ 28-بابى 5-بولىگى، 116-بابىنىڭ 2-بولىگى 3,4-تارماقتارى، 385-بابىنىڭ 3-بولىگى بويىنشا 6 جىلعا باس بوستاندىعىنان ايىرىلدى (جازا 6 جىل 8 ايدان اسپاۋى كەرەك) .

قۇتتىمۇراتوۆ ق ك- ءنىڭ 317-بابى 5-بولىگى بويىنشا 2 جىل 6 ايعا باس بوستاندىعىنان ايىرىلدى (بارىنشا ەڭ جوعارى جازا) . ۇكىم زاڭدى كۇشىنە ەنگەن جوق. ايتا كەتەيىك، شىمكەنت اۋرۋحاناسىنىڭ باس دارىگەرى ادام اعزاسىن زاڭسىز ترانسپلانتاتسيالاۋ كۇدىگىمەن ۇستالعانىن حابارلاعان ەدىك.