قارا بۇرىش كوروناۆيرۋستان قورعامايدى – عالىمدار

پايدالانۋشىلاردىڭ سوزىنە سەنسەك، مۇنداي جاڭالىقتى ءۇندى تەحنولوگيا ينستيتۋتىنىڭ عالىمدارى اشقان. ءبىراق الەمدىك عىلىمي قاۋىمداستىق ءۇندى ماماندارىنىڭ تۇجىرىمىن قولداعان جوق. د د س ۇ سايتىندا قارا بۇرىش SARS- CoV-2 ۆيرۋسى جاسۋشالارىن توقتاتا الادى دەگەن مالىمدەمە رەسمي جوققا شىعارىلدى.

«ارينە، تاعامعا قوسقاندا اشى بۇرىش گاسترونوميالىق ارتىقشىلىقتارعا يە، ءبىراق COVID-19-دىڭ الدىن المايدى جانە ەمدەمەيدى» دەلىنگەن د د س ۇ رەسمي ينتەرنەت- پلاتفورماسىندا.

د د س ۇ ساراپشىلارى كۆي كەزىندە عانا ەمەس، سونىمەن قاتار باسقا دا ۆيرۋستىق اۋرۋلاردىڭ الدىن الۋدىڭ ەڭ جاقسى شارالارى تەڭدەستىرىلگەن تاماقتانۋ، كوپ سۋ ءىشۋ، فيزيكالىق بەلسەندىلىك جانە دۇرىس ۇيقى بولىپ تابىلاتىنىن ەسكەرتەدى. COVID-19 پاندەمياسى كەزىندە الەۋمەتتىك قاشىقتىقتى ساقتاۋ، ماسكا تاعۋ، ءجيى قول جۋۋ جانە سانيتايزەرلەردى قولدانۋ ۇسىنىلادى. سونداي- اق، ادام كوپ جينالاتىن جەرلەرگە بارماۋ كەرەك. سوزىلمالى اۋرۋى بار جانە 65 جاستان اسقان ادامدارعا قاجەتسىز ۇيدەن شىقپاۋعا كەڭەس بەرىلەدى.