اتامەكەنىنە ورالعان قانداستار قازاقستاننىڭ قاي وڭىرلەرىنە قونىستانادى

«2012 -جىلى ورالماندار ءۇشىن 2011-2014 -جىلدارعا ارنالعان كۆوتا ايقىنداۋ تۋرالى ۇكىمەت قاۋلىسى كەرى قايتارىپ الىندى. ماسەلەن 2012-2017 -جىلدارى ەتنيكالىق قازاقتاردى قونىس اۋدارۋعا كۆوتالار مۇلدەم بەلگىلەنبەدى. الايدا، وسى جىلداردا ەل اۋماعىنا مەملەكەتتىڭ ەشبىر قولداۋىنسىز، ءوز مۇمكىنشىلىكتەرىمەن 120 303 قانداس كەلىپ، ورنالاسقان»، - دەدى قايرات بوداۋحان «وتانداستار قورى» ك ە ا ق جانىنداعى قوعامدىق كوميسسيانىڭ وتىرىسىندا.

ونىڭ ايتۋىنشا، دەموگرافيالىق احۋالى تومەن دەپ ەسەپتەلەتىن بەس ءوڭىر - اقمولا، شقو، قوستاناي، پاۆلودار جانە سولتۇستىك قازاقستان وبلىستارىنداعى كوشى- قون جاعدايى الاڭداتىپ وتىر. سوڭعى بەس جىلدا اتالمىش وڭىرلەردەگى سىرتقى كوشى- قون سالدوسى - 87633، ىشكى كوشى- قون سالدوسى - 86098 ادامدى قۇراپ وتىر.

«ال قازىرگى كەزەڭدە ق ر ۇكىمەتىنىڭ 2016 -جىلعى 18-اقپانداعى № 83 قاۋلىسىنا سايكەس وتانداستاردى قونىستاندىرۋ ءۇشىن 7 ءوڭىر تاڭدالدى، ولار - اقمولا، باتىس قازاقستان، اتىراۋ، قوستاناي، شىعىس قازاقستان، پاۆلودار جانە سولتۇستىك قازاقستان وبلىستارى. وسى شەشىم نەگىزىندە 2017 -جىلدان باستاپ كۆوتالار وتباسى سانىمەن ەمەس، ادام سانىمەن بەلگىلەنەدى»، - دەدى ق. بوداۋحان.

ايتا كەتەيىك، اتالعان 7 وبلىسقا بيىل 1378 ەتنيكالىق قازاققا كۆوتا بەرىلىپ وتىر. 1991 -جىلدان بەرى ەلىمىزگە 1 ميلليوننان استام قانداس كوشىپ كەلگەن.