تاۋەلسىزدىك العالى قازاقستانعا قانشا قانداسىمىز كوشىپ كەلدى
«كوشىپ كەلگەن ورالمانداردىڭ دەموگرافيالىق ۇلەسىنىڭ ارقاسىندا تاۋەلسىزدىك جىلدارى تەرىس كوشى- قون سالدوسى دەڭگەيىن %28 تومەندەتە الدىق. سونىمەن بىرگە، الداعى ۋاقىتتا دا كوشى- قون ساياساتىنىڭ 2017-2021 -جىلدارعا ارنالعان تۇجىرىمداماسىنا سايكەس، شەتەلدە تۇراتىن ەتنيكالىق قازاقتاردىڭ تاريحي وتانىنا ورالۋى وسەتىن بولادى»، - دەدى قايرات بوداۋحان «وتانداستار قورى» ك ە ا ق جانىنداعى قوعامدىق كوميسسيانىڭ وتىرىسىندا.
ەڭبەك جانە حالىقتى الەۋمەتتىك قورعاۋ مينيسترلىگى كەلتىرگەن دەرەكتەرگە سايكەس، 1991-2019 -جىلدارى قازاقستانعا 1057288 قانداس كوشىپ كەلگەن. الايدا، 2012 -جىلدان باستاپ جالپى رەسپۋبليكا اۋماعىنان كەتۋشىلەر سانى ەلگە كەلۋشىلەر سانىنان ەداۋىر اسىپ كەتكەن.
«جوعارىدا اتالعان تۇجىرىمداما قابىلدانعان ساتتەن باستاپ، ياعني 2017 -جىلدان باستاپ، جىل سايىنعى كوشى- قوننىڭ تەرىس سالدوسى تۇراقتى تۇردە ءوسىپ كەلەدى جانە مينۋس 30 مىڭ ادامعا جەتكەن. تەك وتكەن جىلى ەلدەن 45225 ادام كوشىپ كەتكەن»، - دەيدى ق. بوداۋحان. ايتا كەتەيىك، بيىل قازاقستاننىڭ 7 وبلىسىنا 1378 ەتنيكالىق قازاققا وڭىرلىك كۆوتا بەرىلىپ وتىر.
