بيىل قانداستاردى قابىلداۋعا قانشا كۆوتا ءبولىندى

نۇر- سۇلتان. قازاقپارات - س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ پروفەسسورى، ەكونوميكا عىلىمدارىنىڭ كانديداتى قايرات بوداۋحان بيىل قانداستارعا قانشا كۆوتا بولىنگەنىن ايتىپ بەردى، دەپ حابارلايدى قازاقپارات ءتىلشىسى.

«حالىقتىڭ كوشى- قونى تۋرالى» ق ر زاڭىنا سايكەس جەرگىلىكتى اتقارۋشى ورگاندار حالىقتىڭ كوشى- قونى ماسەلەلەرى جونىندەگى ۋاكىلەتتى ورگانعا الداعى جىلعا ورالمانداردى قابىلداۋدىڭ وڭىرلىك كۆوتالارىن قالىپتاستىرۋ جونىندە ۇسىنىستار ەنگىزەدى. وسىلايشا بيىل 7 وبلىسقا 1378 ەتنيكالىق قازاققا وڭىرلىك كۆوتا قۇرىلدى (2019 -جىلى - 2331 ادام بولعان) «، - دەدى قايرات بوداۋحان «وتانداستار قورى» ك ە ا ق جانىنداعى قوعامدىق كوميسسيانىڭ وتىرىسىندا.

ونىڭ ايتۋىنشا، اقمولا وبلىسىندا – 258، پاۆلودار وبلىسىندا – 500، شىعىس قازاقستان وبلىسىندا – 150، سولتۇستىك قازاقستان وبلىسىندا - 120 جانە قوستاناي وبلىسىندا - 350 كۆوتا بولىنگەن. «ال، اتىراۋ جانە باتىس قازاقستان وبلىستارى مۇلدەم ءوتىنىم بەرمەگەن. 2017 -جىلدان باستاپ، كۆوتا وتباسى سانىنا ەمەس، ادام سانىنا قاراي بەرىلەدى»، - دەدى ق. بوداۋحان.