ا ق ش- تا ءدامى تابيعي بالعا ۇقساس جاساندى بال شىعارىلدى

نۇر-سۇلتان. قازاقپارات - امەريكالىق MeliBio ستارتابى ءدامى، ءتۇسى، جابىسقاقتىعى تابيعي بالدان كەم تۇسپەيتىن جاساندى بال دايىندادى.

Fast Company باسىلىمىنىڭ حابارلاۋىنشا، تاجىريبەدە ءدامىن سالىستىرىپ كورگەندەر ەكەۋىنىڭ ايىرماشىلىعىن بايقاماعان.

MeliBio ديرەكتورى داركو ءمانديچتىڭ سوزىنە سەنسەك، ولار جاساندى بالدى ارالاردى كوممەرتسيالىق ماقساتتا قولدانۋدى ازايتۋ ءۇشىن شىعارعان. قازىر ا ق ش- تا ارا شارۋاشىلىعىمەن قاتار ەكولوگيا ارالاردىڭ جۇزدەگەن ءتۇرىن جويىپ جىبەرۋ ءقاۋپى بار.

جەر بەتىنەن ارالار جويىلىپ كەتسە نە بولادى؟

«ءبىز ءدال ارالارداي بال جاساۋ ءۇشىن عىلىمعا جۇگىندىك»، - دەيدى مانديچ. كومپانيا بال قۇرامىنداعى زاتتاردى دالمە- ءدال پايدالانعاندىقتان سينتەتيكالىق ءونىمنىڭ ءدامى تابيعي بالعا ۇقساعان.

كومپانيا جاساندى بال تەحنولوگياسىن پاتەنتتەپ العان، ءبىراق Fast Company تۇجىرىمىنا ساي، بۇل جاساندى ءسۇت جاسايتىن Perfect Day Foods تەحنولوگياسىنا ۇقسايدى.

MeliBio نارىققا 2021 -جىلى شىعۋدى جوسپارلاپ وتىر. كومپانيا الدىمەن بالدى سۋسابىن، سابىنعا قوساتىن كوسمەتيكا كومپانيالارىمەن جۇمىس ىستەمەك. ال باعاسى تابيعي بالدان ارزانىراق بولادى.