باتىس قازاقستاندا ءۇيدىڭ قابىرعاسىنا جاڭگىر حاننىڭ بەينەسى سالىندى

ورتالىق كوشەدەگى ءۇيدى قابىرعاسىندا جاڭگىر حانمەن بىرگە توعاي مەن حان ورداسى مۋزەي- قورىعىنىڭ سۋرەتتەرى دە كورىنىس تاپتى. مۋرالدىڭ اۆتورلارى - ورالدىق سۋرەتشىلەر ياكوۆ پەن داريا پوليشۋك. اۋدان اكىمى نۇرلان راحىمجانوۆتىڭ ايتۋىنشا، بوكەي حاندىعىنىڭ قۇرىلعانىنا 2021 -جىلى 220 جىل، جاڭگىر حان مەكتەبىنە 180 جىل تولماقشى. بوكەي سۇلتان قولاستىنداعى حالقىمەن بىرگە 1801-جىلى ەدىل- جايىق ارالىعىنا ءوتىپ، حاندىقتىڭ نەگىزىن قالاپ، 1815 -جىلعا دەيىن باسقاردى. ونىڭ ۇلى جاڭگىر حان جاسقۇس قۇمىنا ءوز ورداسىن سالدىرىپ، قاراۋىنداعى ەلدى وتىرىقشى ومىرگە، ەۋروپالىق وركەنيەتكە ۇندەپ، سول باعىتتا كوپتەگەن ىستەر تىندىردى.

«اۋدان ورتالىعىنداعى جاڭگىر حان بەينەسى - وسى مەرەيتويلار قارساڭىنداعى باستاپقى جۇمىستاردىڭ ءبىرى»، دەدى قازاقپارات تىلشىسىنە ن. راحىمجانوۆ.

ەسكە سالا كەتەيىك، بۇدان بۇرىن اقسايدا توعىز قاباتتى ءۇيدىڭ قابىرعاسىندا اباي بەينەلەنگەنىن جازعان بولاتىنبىز.