الماتىدا تاپانشا ۇستاپ جۇرگەن ەر ادامنىڭ كىم ەكەنى انىقتالدى

بەينەجازبادا ونىڭ ۇلكەن الماتى كانالى، سولتۇستىك اينالما جولىنىڭ اۋماعىندا تۇسىرىلگەنى ايتىلعان. قالالىق پوليتسيا دەپارتامەنتىنىڭ مالىمەتىنشە، الاتاۋ اۋداندىق پوليتسيا باسقارماسىنىڭ قىزمەتكەرلەرى ۆيدەوداعى ەر ادامنىڭ كىم ەكەنىن بىردەن انىقتادى. ول 1992 -جىلى تۋعان ش. ەسىمدى ازامات. ول بۇزاقى رەتىندە پوليتسيا ەسەبىندە تۇرعان جانە ىشىمدىككە سالىنعان.

«تەكسەرىس بارىسىندا كۇدىكتىنىڭ قولىندا ويىنشىق تاپانشا بولعانى انىقتالدى. سونداي- اق، ش. ەسىمدى ازاماتتى ۆيدەوعا ءتۇسىرىپ جاتقان كەزدە ول ماس بولعان. ونىمەن قۇقىقتىق ءتۇسىندىرۋ جۇمىستارى جۇرگىزىلدى»، - دەپ ءتۇسىندىردى الماتى قالاسى پوليتسيا دەپارتامەنتىنىڭ باسپا ءسوز قىزمەتى.

اۆتور: الما مۇقانوۆا