10:15, 18 - قازان 2020 | GMT +6
بۇگىن - قازاقستاندا رۋحاني كەلىسىم كۇنى
نۇر-سۇلتان. قازاقپارات - بۇگىن قازاقستاندا رۋحاني كەلىسىم كۇنى اتالىپ وتەدى.
1992 -جىلى قازاندا قازاقستاننىڭ سول كەزدەگى استاناسى الماتى قالاسىندا رۋحاني كەلىسىمنىڭ ءبىرىنشى الەمدىك كونگرەسى ءوتتى.
كونگرەسكە قاتىسۋشىلار قازاننىڭ 18 ىن رۋحاني كەلىسىم، ياعني قاقتىعىستار مەن جانجالدارعا توقتام سالۋ، تاتۋلىق ىزدەۋ، جاقىنعا قايىرىمدىلىق جانە كومەك كۇنى دەپ جاريالاۋ جونىندە مانيفەست قابىلدادى. سودان بەرى جىل سايىن ەلىمىزدە 18-قازان - رۋحاني كەلىسىم كۇنى مەملەكەتتىك دەڭگەيدە اتالىپ ءوتىپ كەلەدى. بۇگىندە رەسپۋبليكادا كوپتەگەن ۇلتتار مەن ۇلىستار جانە 18 كونفەسسيا وكىلدەرى تاتۋ-ءتاتتى ءومىر ءسۇرىپ جاتىر.
رەسپۋبليكامىزدا مەكەندەيتىن بارلىق حالىقتاردىڭ ادامگەرشىلىك جانە رۋحاني بىرلىگى - ەلىمىزدىڭ ودان ءارى گۇلدەنۋىنىڭ باستى ىرگەتاسى.