قالامگەر جۇماباي شاشتاي ۇلىنىڭ « قىزىل قار» رومانى جارىققا شىقتى
اقىن- جازۋشىلار جينالعان جيىندا بەلگىلى جۋرناليست، قالامگەر جۇماباي شاشتاي ۇلىنىڭ « قىزىل قار» رومانىنىڭ تۇساۋكەسەر ءراسىمى بولدى. مينيستر ايدا بالايەۆا اۆتوردى 70 جىلدىق مەرەيتويىمەن قۇتتىقتاپ، قازاق جۋرناليستيكاسى مەن پروزاسىنداعى ەڭبەگىن ەرەكشە اتاپ ءوتتى.
ءسوز ونەرىنىڭ قۇدىرەتىن جەتىك بىلەتىن قالامگەرلەر دە زامانداستارىن قۇتتىقتاپ، « قىزىل قار» شىعارماسىنىڭ رومان بولىپ قايتا باسىلىپ شىعۋىن ەرلىكپەن تەڭەستىردى. سەبەبى 1984 -جىلى پوۆەست رەتىندە جاريالانعان بۇل شىعارما سول ۋاقىتتا سولاقاي ساياساتتىڭ قاتاڭ سىڭىنا ۇشىراعان ەدى. مالشىنىڭ بالاسى جۇماباي شاشتاي ۇلى سول كەزەڭدەگى شوپاننىڭ ءومىرىن شىنايى سۋرەتتەيدى. ساپادان گورى، سانعا ءمان بەرگەن رايكوم باسشىلىعىن اشكەرەلەيدى.
جۇماباي شاشتاي ۇلى، جازۋشى:
- شىققان بەتتە، ەكى ايدان كەيىن قازاقستان كومپارتياسىنىڭ ورتالىق كوميتەتى جۋرناليستەردىڭ جيىنىندا تۋىندىنى سىنادى. مال شارۋاشىلىعىنىڭ قىرىلعانىن جامان كورسەتكەن شىعارما دەدى، سودان كەيىن ول «پراۆداعا» شىقتى. قانشا جىلدان كەيىن قايتادان قولعا الىپ، رومان قىلدىم.
ايگۇل ءىسماقوۆا، فيلولوگيا عىلىمدارىنىڭ دوكتورى، پروفەسسور:
- جۇماباي وتىرىك جازبايدى، ماڭايىندا بولىپ جاتقان وقيعالاردى، ءوزىنىڭ جولداستارىن، ءوزى وقىعان جەردە بولعان شىندىقتاردى جازىپ وتىر.
بۇل - اۆتوردىڭ «ءبىزدىڭ زاماننىڭ اياز ءبيى» ، «جاڭعىرىق» روماندارىنان كەيىن شىققان ءۇشىنشى رومانى. تارالىمى 1000 دانا بولاتىن كىتاپ ەلىمىزدىڭ ءىرى كىتاپحانالارىنا تاراتىلادى.
