اقتاۋ ماڭىندا تەپلوۆوز بەن اۆتوبۋس سوقتىعىستى

وقىس وقيعا بۇگىن 07:25 شاماسىندا بولعان، دەپ حابارلايدى قازاقپارات ءتىلشىسى وبلىستىڭ پوليتسيا دەپارتامەنتىنە سىلتەمە جاساپ.

دەپارتامەنتتىڭ حابارلاۋىنشا، 102 كەزەكشىسىنىڭ ديسپەتچەرلىك بولىمىنە ءومىرزاق اۋىلىنداعى تەمىرجول وتكەلىندە جولاۋشىلار اۆتوبۋسى مەن تەپلوۆوز سوقتىعىسىپ قالدى دەگەن قوڭىراۋ تۇسكەن. جۇرگىزۋشى جاقىنداپ كەلە جاتقان تەپلوۆوزدى بايقاماي قالعان.

«زارداپ شەككەندەر جوق. اۆتوبۋس ىشىندە ادام بولماعان. اۆتوبۋس جۇرگىزۋشىسىنە ق ر ا ق ب ت ك-نىڭ 610-بابى بويىنشا اكىمشىلىك حاتتاما تولتىرىلدى»، - دەلىنگەن حابارلامادا.

جۇرگىزۋشىگە 20 ايلىق ەسەپتىك كورسەتكىش مولشەرىندە ايىپپۇل سالىنۋى نەمەسە التى ايعا دەيىن كولىك قۇرالىن جۇرگىزۋ قۇقىعىنان ايىرىلۋى مۇمكىن.